ភ្នំពេញ៖កាលពីរសៀលថ្ងៃទី៩ខែវិច្ឆិកាឆ្នាំ២០២០ក្រសួងសុខាភិបាលបានចេញសេចក្ដីប្រកាសព័ត៌មានបន្ទាន់មួយដោយបញ្ជាក់ថា៖មានមន្ដ្រីចំនួន៣រូបទៀតវិជ្ជមានកូវីដ-១៩។
ពួកគាត់ដែលមានការប៉ះពាល់ជាមួយរដ្ឋមន្ដ្រីការបរទេស និងពាណិជ្ជកម្មហុងគ្រីក្នុងការមកបំពេញទស្សនកិច្ចនៅប្រទេសកម្ពុជា ព្រឹត្តិការណ៍ ៣វិច្ឆិកាកន្លងទៅ។
មនុស្សទាំង៣នាក់ដែលរកឃើញវិជ្ជមានកូវីដ-១៩ទី១៖លោកសួសយ៉ារ៉ាតំណាងរាស្ដ្រនិងជាអ្នកនាំពាក្យគណបក្សប្រជាជនកម្ពុជា។ទី២៖ លោក សរ ចិត្រា អគ្គលេខាធិការរង ក្រសួងកសិកម្ម រុក្ខាប្រមាញ់ និងនេសាទទី៣៖ ឯកអគ្គរដ្ឋទូតហុងគ្រី ប្រចាំកម្ពុជា។
ក្រសួងសុខាភិបាល បានកត់សម្គាល់ថា ករណីសរុបដែលបានរកឃើញអ្នកមានវីរុសកូវីដ-១៩ ក្នុងព្រឹត្តិការណ៍ ៣វិច្ឆិកា គិតត្រឹមម៉ោង៥ល្ងាច ថ្ងៃទី៩ ខែវិច្ឆិកា ឆ្នាំ២០២០នេះ មានចំនួន៤នាក់។
ក្រុមការងារក្រសួងសុខាភិបាលកំពុងបន្តការយកវត្ថុសំណាកអ្នកប៉ះពាល់លើកទី២និងកំពុងរង់ចាំលទ្ធផលដែលត្រូវផ្តល់មកក្រសួងជាបន្តបន្ទាប់។ នៅពេលធ្វើការវិភាគរួច ដោយវិទ្យាស្ថានប៉ាស្ទ័រកម្ពុជា ក្រសួងនឹងបន្តជូនដំណឹងជូនសាធារណជនបន្តទៀតនៅពេលទទួលបានលទ្ធផលជាបន្តបន្ទាប់៕សហការី