ភ្នំពេញ៖ផ្ទះប្រជាពលរដ្ឋចំនួន៤ល្វែងត្រូវបានអគ្គិភ័យឆាបឆេះអស់គ្មានសល់ទោះប្រជាពលរដ្ឋនិងសមត្ថកិច្ចហៅរថយន្តពន្លត់អគ្គិភ័យមកអន្តរាគមន៍ក្តី។ហេតុការណ៍បានកើតឡើងនៅក្នុងភូមិ១សង្កាត់ផ្សារដើមថ្កូវខណ្ឌចំការមនកាលពីយប់រំលងអធ្រាត្រចូលថ្ងៃទី១០ខែវិច្ឆិកាឆ្នាំ២០២០។
ប្រភពព័ត៌មានបានឱ្យដឹងថាៈផ្ទះរងនូវអគ្គិភ័យឆាបឆេះមានចំនួន៤ល្វែងក្រោមថ្មឈើលើជាប់ៗគ្នាដោយផ្ទះទី១និងទី២មានលក់បាយម្ហូបកាហ្វេពេលព្រឹកនិងផ្ទះទី៣មានលក់ចាបហួយផ្ទះទី៤មានលក់នំកង ត្រូវរងគ្រោះអគ្គភ័យលេបត្របាក់អស់គ្មានសល់។ប្រភពដដែលបានបន្តថាៈមុនពេលកើតហេតុគេបានឃើញអណ្តាតភ្លើងឆាបឆេះយ៉ាងសន្ធោសន្ធៅផ្សែងខ្មួរខ្មាញ់ទើបបង្កការភ្ញាក់ផ្អើលនិងរាយការណ៍ទៅសមត្ថកិច្ចហៅរថយន្តពន្លតអគ្គិភ័យជាច្រើនគ្រឿងមកអន្តរាគមន៍។
សមត្ថកិច្ចបានឱ្យដឹងថាៈក្នុងហេតុការណ៍នេះរថយន្តពន្លតអគ្គិភ័យមកចំនួន២១គ្រឿងនិងប្រើប្រាស់អស់ចំនួន១៧គ្រឿងអគ្គិភ័យក៏រលត់ទាំងស្រុងតែម្តង។ចំពោះផ្ទះចំនួន៤ល្វែងដែលឆេះនេះគឺបានខូចខាតទាំងស្រុង។តែមិនទាន់ដឹងពីទំហំនៃការខូចខាតនៅឡើយនិងមិនមានមនុស្សរងគ្រោះថ្នាក់ទេ។ចំពោះមូលហេតុជំហ៊ានដំបូងសមត្ថកិច្ចសន្និដ្ឋានមកពីឆ្លងចរន្តអគ្គិសនី៕សហការី
