ឧត្តរមានជ័យ៖ពលរដ្ឋខ្មែរម្នាក់ត្រូវបានអាជ្ញាធរថៃបញ្ជូនមកកម្ពុជាវិញបន្ទាប់ពីដោះលែងពីពន្ធនាគារពីបទឆ្លងដែនខុសច្បាប់ចូលកាប់ឈើគ្រញូងក្នុងទឹកដីថៃ។ការប្រគល់និងទទួលប្រជាពលរដ្ឋខ្មែរខាងលើ បានធ្វើឡើងនៅច្រកអន្តរជាតិជាំស្រងាំក្នុងទឹកដីស្រុកអន្លង់វែងខេត្តឧត្តរមានជ័យកាលពី រសៀលថ្ងៃទី១២ខែមិថុនាឆ្នាំ២០២០។
សមត្ថកិច្ចនគរបាលប្រចាំច្រកអន្តរជាតិជាំស្រងាំបានឱ្យដឹងថាពលរដ្ឋខ្មែរដែលត្រូវបានភាគីថៃបញ្ជូនមកស្រុកកំណើតនោះគឺមានឈ្មោះទីវ៉ាន់ភេទប្រុសអាយុ៣១ឆ្នាំរស់នៅភូមិបេងធំឃុំស្រែក្រសាំង ស្រុកសៀមបូក ខេត្តស្ទឹងត្រែង។ជនឈ្មោះទីវ៉ាន់ត្រូវបានអាជ្ញាធរថៃចាប់ខ្លួនកាលពីថ្ងៃទី២១ខែតុលាឆ្នាំ២០១៨កន្លងទៅនេះពីបទឆ្លងដែនខុសច្បាប់កាប់ឈើគ្រញូង។
ដោយចូលតាមច្រកជាំត្រូវបានបញ្ជូនមកដាក់ពន្ធនាគារនៅខេត្តស៊ីសាកេតប្រទេសថៃ។រហូតដល់ថ្ងៃទី១២ខែមិថុនាឆ្នាំ២០២០នេះទើបដោះលែងហើយបញ្ជូនមកស្រុកកំណើតវិញ៕
