ភ្នំពេញ៖ស្ត្រីជាជនសង្ស័យម្នាក់ជាប់ពាក់ព័ន្ធគំរាមកំហែងជេរប្រមាថនិងញុះញង់ឱ្យមានការរើសអើងជាសាធារណៈតាមហ្វេសបុក(GroupMessengerFaccbook)បានប្រមាថមាក់ងាយលើមន្ត្រីនគរបាលយុត្តិធម៌។ក្នុងនោះដោយបានក្របួចកអាវនគរបាលព្រហ្មទណ្ឌកម្រិតស្រាលខណៈពេលដែលនគរបាលចុះឃាត់ខ្លួនស្ត្រីរូបនោះតាមដីកាបញ្ជាឱ្យចូលខ្លួននៅព្រឹកថ្ងៃទី១៣ខែមិថុនាឆ្នាំ២០២០នេះនៅចំណុចផ្សារបាត់ដឹង ឃុំក្សេមក្សាន្តស្រុកឧដុង្គខេត្តកំពង់ស្ពឺ។
ស្ត្រីដែលសមត្ថកិច្ចឃាត់ខ្លួនឈ្មោះ យឹម អេង ភេទស្រី អាយុ៣៨ឆ្នាំ រស់នៅភូមិ១ សង្កាត់បឹងសាឡាង ខណ្ឌទូលគោករាជធានីភ្នំពេញជាប់ពាក់ព័ន្ធបទគំរាមកំហែងជេរប្រមាថ។ញុះញង់ឱ្យមានការរើសអើងជាច្រើនលើកច្រើនសារជាសាធារណៈតាមហ្វេសបុកដល់អាជ្ញាធរភូមិនាពេលកន្លងទៅខណៈដែលមេភូមិមិនមិនព្រមធ្វើតាមការស្នើសុំរបស់ខ្លួនទាក់ទងនឹងការលក់ដូរដីធ្លីមិនស្របច្បាប់។
តាមសាក្សីនៅកន្លែងកើតហេតុបានឱ្យដឹងថាជនសង្ស័យបានប្រតាយប្រតបជាមួយសមត្ថកិច្ចនគរបាលខណៈដែលនគរបាលចុះឃាត់ខ្លួននៅព្រឹកថ្ងៃទី១៣ខែមិថុនាឆ្នាំ២០២០នៅចំណុចផ្សារបាត់ដឹងឃុំក្សេមក្សាន្ត ស្រុកឧដុង្គខេត្តកំពង់ស្ពឺ បន្ទាប់ពីស្ត្រីរូបនេះបានរត់គេចខ្លួនអស់រយៈពេលច្រើនថ្ងៃ។
ប្រភពបានបន្តថាការចុះឃាត់ខ្លួនស្ត្រីនេះគឺបន្ទាប់ពីមានដីការបញ្ជាឱ្យចាប់ខ្លួនពីព្រះរាជអាជ្ញានៃអយ្យការសាលាដំបូងរាជធានីភ្នំពេញលោកកែវសុធាកាលពីថ្ងៃទី១២ខែមិថុនាឆ្នាំ២០២០ក្រោយពីមានពាក្យបណ្តឹងពីជនរងគ្រោះឈ្មោះឡេងម៉ូវអាយុ៦៥ឆ្នាំជនជាតិខ្មែរមានអាស័យដ្ឋានបច្ចុប្បន្ននៅភូមិបាត់ដឹង ឃុំក្សេមក្សាន្តស្រុកឧដុង្គខេត្តកំពង់ស្ពឺ។
យោងតាមពាក្យបណ្តឹងបានបញ្ជាក់ថាស្ត្រីដែលជាជនសង្ស័យរូបនេះបានជេរប្រមាថនិងគំរាមកំហែងជាសាធារណៈដល់ជនរងគ្រោះដែលជាមនុស្សចាស់ ដោយសារតែខ្លួនអាងមានលុយ ហើយស្ត្រីម្នាក់ នេះក៏ជាអ្នកមានរឿងអាស្រូវជាច្រើនទាក់ទងនឹងករណីដីធ្លីផងដែរ។
តាមពាក្យបណ្តឹងពីជនរងគ្រោះបានប្តឹងស្ត្រីរូបនេះឱ្យមានការសូមទោសជាសាធារណៈនិងទាមទារសេវាកម្មផ្លូវច្បាប់ថ្លៃទាមទារខាតបង់ពេលវេលាសំណងជំងឺចិត្តការប៉ះពាល់ដល់កិត្តិយសកេរ្តិ៍ឈ្មោះសេចក្តីថ្លៃថ្នូនិងការខូចខាតប្រយោជន៍ផ្សេងៗចំនួនមួយលានដុល្លារអាមេរិក។សេចក្តីរាយការណ៍បានឱ្យដឹងថាការចុះឃាត់ខ្លួនស្ត្រីរូបនេះពុំបានសម្រេចនោះទេ។ដោយសារតែស្ត្រីរូបនេះអាងខ្នងហើយមានបក្ខពួកព័ទ្ធសមត្ថកិច្ចនិងដកសោឡានរបស់សមត្ថកិច្ចពេលដែលសមត្ថកិច្ចចុះទៅឃាត់ខ្លួនតាមដីការបស់តុលាការនោះ៕
