ស្ទឹងត្រែង៖បុរសម្នាក់ដោយសារតែខឹងខ្លាំងនឹងប្រពន្ធពុំព្រមរួមដំណេកដេកជាមួយបែរជាដុតផ្ទះចោលហើយអង្គុយមើល។ករណីនេះបានកើតឡើងនៅភូមិកែងញ៉ៃឃុំសេកុងស្រុកសៀមប៉ាងនាម៉ោង8និង30នាទីយប់ថ្ងៃទី12ខែមិថុនាឆ្នាំ2020។របាយការណ៍នគរបាលស្រុកសៀមប៉ាងបានឱ្យដឹងថាករណីបំផ្លេចបំផ្លាញទ្រព្យសម្បត្តិខ្លួនឯងនេះបង្ករឡើងឈ្មោះ ឡត តាន់អាយុ៥៨ឆ្នាំជនជាតិខ្មែរ។
នៅមុនពេលកើតហេតុបុរសខាងលើស្ថិតក្នុងស្ថានភាពស្រវឹងស្រាចូលទៅដេកជាមួយប្រពន្ធ។តែប្រពន្ធដេញមិនឱ្យដេកក្បែរបែរជាខឹងយកភ្លើងទៅដុតផ្ទះរបស់ខ្លួនទាំងយប់ផ្អើលអស់អ្នកជិតខាង។នគរបាលប៉ុស្តិ៍រដ្ឋបាលឃុំសេកុងបានបញ្ជាក់ថាផ្ទះរងការឆាបឆេះនោះមានទំហំ៥ម៉ែត្រនិងបណ្តោយ៦ម៉ែត្រធ្វើអំពីឈើដំបូលប្រក់ស្បូវបាំងឬស្សីក្រាលរនាបឬស្សីឆេះអស់ទាំងស្រុង។ក្រោយកើតហេតុនគរបាលប៉ុស្តិ៍ក៍បានឃាត់ខ្លួនបុរសជាម្ចាស់ផ្ទះភ្លាមៗដែរ៕
