ភ្នំពេញៈអ្នកជិះម៉ូតូឌុបគ្នាពីរនាក់បានវ៉ាជែងរថយន្តក៏ទាក់ដៃចង្កូតដួលចូលក្រោមរថយន្តបណ្តាលឱ្យស្ត្រីម្នាក់ស្លាប់ម្នាក់ទៀតរងរបួស។ហេតុការណ៍នេះបានកើតឡើងតាមបណ្ដោយផ្លូវជាតិលេខ៦ក្នុងភូមិបាក់ខែងសង្កាត់បាក់ខែងខណ្ឌជ្រោយចង្វារកាលពីព្រឹកថ្ងៃទី១២ ខែតុលាឆ្នាំ២០២០។
សមត្ថកិច្ចបានឱ្យដឹងថាៈស្ត្រីដែលបានស្លាប់មានឈ្មោះបងស្រីណាអាយុ៣១ឆ្នាំមានមុខរបរជាមេផ្ទះ មានស្រុកកំណើតនៅភូមិដូនធីឃុំបុសខ្នុរស្រុកចំការលើខេត្តកំពង់ចាម។ជិះម៉ូតូម៉ាកហហុងដាឌ្រីមសេ១២៥ សេរីឆ្នាំ២០២០ពណ៌ខ្មៅគ្មានស្លាកលេខ។ចំណែកស្ត្រី ដែលឌុបស្ត្រីរងគ្រោះ មិនត្រូវបានស្គាល់ អត្តសញ្ញាណ នៅឡើយបានរងរបួស។
ប្រភពព័ត៌មាន បានបន្តថាៈ បន្ទាប់ពីកើតហេតុ រថយន្តមិនចាំម៉ាក ទាំង២គ្រឿងបានបើកគេចខ្លួន បាត់បន្សល់តែសពនារីរងគ្រោះនិងម៉ូតូនិងជនរងគ្រោះរបួសម្នាក់នៅកន្លែងកើតហេតុ៕សហការី
