ពោធិ៍សាត់៖ ដោយអនុវត្តតាមមតិចង្អុលការណែនាំរបស់ លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ ស្ដីពីការការពារសន្តិសុខសណ្ដាប់ធ្នាប់ជូនប្រជាពលរដ្ឋក្នុងមូលដ្ឋានឲ្យកាន់តែល្អប្រសើរនោះ កម្លាំងអន្តរាគមន៍ នៃអធិការដ្ឋាននគរបាលក្រុងពោធិ៍សាត់ សហការជាមួយកម្លាំងប៉ុស្តិ៍នគរបាលរដ្ឋបាលស្នាមព្រះ នៃអធិការដ្ឋាននគរបាលស្រុកបាកាន ដឹកនាំដោយលោកវរសេនីយ៍ឯក កែវ សារិ អធិការនគរបាលក្រុងពោធិ៍សាត់ ដោយមានការសម្របសម្រួលនីតិវិធីដឹកនាំពីលោក ប៊ុង តាំងទី ព្រះរាជអាជ្ញារង នៃអយ្យការអមសាលាដំបូងខេត្តពោធិ៍សាត់ បានចុះបង្ក្រាបករណី ជួញដូរ រក្សាទុក និងប្រេីប្រាស់ដោយខុសច្បាប់នូវសារធាតុញៀន នៅចំណុចផ្ទះរបស់ជនសង្ស័យឈ្មោះ ងួន ដារ៉ា ស្ថិតនៅភូមិអន្លង់មាន ឃុំស្នាមព្រះ ស្រុកបាកាន ខេត្តពោធិ៍សាត់ កាលពីថ្ងៃទី២ ខែកក្កដា ឆ្នាំ២០២៤ វេលាម៉ោង១៦និង២០នាទី។
លោកអធិការ កែវ សារិ បានឲ្យដឹងថា សមត្ថកិច្ចបានឃាត់ខ្លួនជនសង្ស័យចំនួនម្នាក់ ឈ្មោះ ងួន ដារ៉ា ភេទប្រុស អាយុ៣២ឆ្នាំ មុខរបរមិនពិតប្រាកដ រស់នៅភូមិអន្លង់មាន ឃុំស្នាមព្រះ ស្រុកបាកាន ខេត្តពោធិ៍សាត់(ជាមុខសញ្ញាជួញដូរសារធាតុញៀន)នឹងវត្ថុតាងរួមមាន ម្សៅក្រាមពណ៌សថ្លាសង្ស័យសារធាតុញៀនចំនួន២កញ្ចប់ធំ(សាច់ថ្នាំសុទ្ធ ទម្ងន់១៣ក្រាម) ,កូនថង់ច្រកថ្នាំញៀន មួយចំនួនធំ ,ប្រដាប់ជក់មួយកំប្លេ ,ដែកកេះចំនួន២ដេីម ,អំពូលសម្រាប់ជក់ថ្នាំញៀន១ ,ប្រដាប់ចូករំលែកថ្នាំញៀន ចំនួន២(ដែក០និងទូរយោ១) ,ទូរសព្ទ ចំនួន១គ្រឿង ,កូនកាំបិតចំនួន១ដេីម ,លុយខ្មែរចំនួន៧៥៥០០០រៀល ,ម៉ូតូចំនួន១គ្រឿង ម៉ាកSuzuki Smash V ពណ៌ខ្មៅលាយ ក្រហម ,កាបូបលុយចំនួន១ ,កូនកាបូប ពណ៌ផ្កាឈូកសម្រាប់ដាក់ថ្នាំញៀនចំនួនមួយ ,កំប៉ុងហ្គាសក្បាលបាញ់ចំនួន១។
បច្ចុប្បន្នជនសង្ស័យរួមទាំងវត្ថុតាង សមត្ថកិច្ចឃាត់ខ្លួនបណ្តោះអាសន្ន នៅអធិការដ្ឋាននគរបាលក្រុងពោធិ៍សាត់ ដើម្បីចាត់ការតាមនីតិវិធី៕
