ក្រចេះ៖បុរសអ្នកបើកបរម៉ូតូម្នាក់មិនស្គាល់អត្តសញ្ញាណបានស្លាប់នៅហ្នឹងកន្លែងគ្រោះថ្នាក់ចរាចណ៍មួយបានកើតឡើងនារសៀលថ្ងៃទី៣០ ខែមីនាឆ្នាំ២០២២។
មន្ត្រីនគរបាលស្រុកស្នួលបានឱ្យដឹងថា ហេតុការណ៍នេះស្ថិតលើផ្លូវជាតិលេខ៧៦ស្នួល-កែវសីមាត្រង់បង្គោលគីឡូម៉ែត្រលេខ11-12 ភូមិជើងឃ្លេ ឃុំពីរធ្នូ ស្រុកស្នួល ខេត្តក្រចេះ ។
ហេតុការណ៍នេះរវាងរថយន្តក្រឡុកស៊ីម៉ងត៍បុកជាមួយម៉ូតូទិសដៅបញ្រ្ចាសគ្នា។រថយន្តម៉ាក ហីយ៉ាន់ដាយផ្លាកលេខ ក្រចេះ 5A-0012 អ្នកបើកបរមិនស្គាល់អត្តសញ្ញាណព្រោះរត់បាត់។រថយន្តនេះបានបើកជែង គោយន្តកន្រ្តៃជ្រុលទៅបុកម៉ូតូម៉ាកហុងដាឌ្រីមផ្លាកលេខព្រៃវែង 1U-0918 អ្នកបើកបរមិនស្គាល់ឈ្មោះភេទប្រុសស្លាប់នៅនឹងកន្លែង។
សមត្ថកិច្ចកំពុងបន្តស្រាវជ្រាវរកអ្នកបើកបររថយន្តដើម្បីយកមកដោះស្រាយ និងកំពុងស្វែងរកសាច់ញាតិជនរងគ្រោះមកយកសពទៅធ្វើបុណ្យ។ រីឯម៉ូតូខូចខាតធ្ងន់ធ្ងន់និងរថយន្តបង្ក ត្រូវបានយកទៅទុកនៅអធិការដ្ឋាននគរបាលស្រុកស្នួលដើម្បីម្បីបន្តនីតិវិធី៕
