ភ្នំពេញ៖ លោកវរសេនីយ៍ឯក ទៀង ច័ន្ទសារ អធិការនគរបាលខណ្ឌដូនពេញ បានឲ្យដឹងថាជនសង្ស័យម្នាក់ត្រូវបានកម្លាំងនគរបាលប៉ុស្តិ៍ផ្សារថ្មីទី២ ឃាត់ខ្លួនពាក់ព័ន្ធករណីរក្សាទុក និងប្រើប្រាស់ដោយខុសច្បាប់នូវសារធាតុញៀន។ ប្រតិបត្តិការបានធ្វើឡើងនៅថ្ងៃទី១៨ ខែវិច្ឆកា ឆ្នាំ២០២៤ វេលាម៉ោង១០នឹង០០នាទី ស្ថិតនៅផ្លូវ១១២.AB អឺ០ ផ្លូវ ព្រះមុនីវង្សកែងផ្លូវ១២៦ ភូមិ០២ សង្កាត់ផ្សារថ្មីទី២ ខណ្ឌដូនពេញ។
លោកអធិការបានបន្តថា ជនសង្ស័យឈ្មោះ អាយ សុខខេង (ហៅអាយួន) ភេទប្រុស អាយុ២៥ឆ្នាំ ជនជាតិខ្មែរ មុខរបរ កម្មករនិងទីលំនៅ ផ្ទះជួល ផ្លូវ១៥០ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។
វត្ថុតាងចាប់យកៈ ក្រាមពណ៌សថ្លាសង្សយ័ជាគ្រឿងញៀនចំនួន១៩កញ្ចប់ (តូច១៣កញ្ចប់ ធំ០៦ កញ្ចប់) ឧបករណ៍សំរាប់ប្រើប្រាស់គ្រឿងញៀនមួយចំនួន។
បច្ចុប្បន្នកម្លាំងជំនាញខណ្ឌ-ប៉ុស្តិ៍ កំពុងបន្តស្រាវជា្រវរកបក្សពួកមេក្លោង និងក្រុមដទៃផ្សេងទៀត ព្រមទាំងកសាងសំណុំរឿង ដើម្បីបញ្ជូនទៅសាលាដំបូងរាជធានីភ្នំពេញ ដើម្បីអនុវត្តតាមនីតិវិធី ៕
