កំពង់ស្ពឺ៖រថយន្តបើកបុកម៉ូតូពីក្រោយបណ្តាលឱ្យមនុស្ស២នាក់បានរងរបួសធ្ងន់នៅម្តុំភូមិដំណាក់ត្រាច ឃុំក្សេមក្សាន្ត ស្រុកឧដុង្គ ខេត្តកំពង់ស្ពឺកាលពីរសៀលថ្ងៃទី៣ ខែសីហា ឆ្នាំ២០២១។
សមត្ថកិច្ចបានឱ្យដឹងថា រថយន្តបង្កម៉ាក FORD ពាក់ផ្លាកលេខ ភ្នំពេញ 2BP-0567 បើកបរដោយឈ្មោះ ជា អុក អាយុ៦២ឆ្នាំនៅភូមិស្តុកឈូក ឃុំទំនប់ធំ ស្រុកឧដុង្គ ខេត្តកំពង់ស្ពឺគេចខ្លួនបាត់។រថយន្តនេះបានបុកម៉ូតូពីក្រោយ ម៉ាកហុងដាពាក់ផ្លាកលេខភ្នំពេញ 1GI-4786 បើកបរដោយឈ្មោះ ម៉ម មឿន ភេទប្រុស អាយុ៧០ឆ្នាំ របួសធ្ងន់ ឌុបចៅម្នាក់ ឈ្មោះ មឿន ដាវីត ភេទប្រុស អាយុ១១ឆ្នាំ របួសធ្ងន់។
ក្រោយកើតហេតុសមត្ថកិច្ចបានចុះវាស់វែងយកមធ្យោបាយពាក់ព័ន្ធទៅរក្សាទុកនៅអធិការដ្ឋាននគរបាលស្រុកឧដុង្គដើម្បីចាត់ការតាមនីតិវិធីច្បាប់៕
