ភ្នំពេញ៖កាលពីថ្ងៃទី២ខែមិថុនាឆ្នាំ២០២០កម្លាំងនគរបាលប៉ុស្តិ៍ចាក់អង្រែក្រោមបានឃាត់ខ្លួនបុរសភេទទី៣ចំនួន២នាក់ករណីរំលោភសេពសន្ថវៈនិងប្រទូស្តកេរ្តិ៍ខ្មាស់ក្មេងប្រុស២នាក់(បៀមប្រដាប់ភេទក្មេងបង្ខំក្មេងរួមភេទតាមរន្ធគូទ)។ហេតុការណ៍នេះបានកើតឡើងកាលពីយប់ថ្ងៃទី២២ខែឧសភាឆ្នាំ២០២០កន្លងមកនៅមាត់ស្រះចិញ្ចឹមត្រី(ច្រកអតីតឡឥដ្ឋ)ផ្លូវលំបេតុងស្ថិតក្នុងភូមិព្រែកតាឡុង៣សង្កាត់ចាក់អង្រែក្រោមខណ្ឌមានជ័យ។
ជនសង្ស័យទាំង២នាក់រួមមាន៖ទី១.ឈ្មោះកុនរ៉ូវីនដូ(ហៅដា)ភេទប្រុសអាយុ២៣ឆ្នាំនៅក្រុងតាខ្មៅ ខេត្តកណ្តាល មុខរបរតុបតែងរោងការ។ជនសង្ស័យ ទី២.ឈ្មោះ ហ៊ុន សុភ័ក្ភ្រ (ហៅម៉ាប់) ភេទប្រុស អាយុ៤២ឆ្នាំនៅសង្កាត់ចាក់អង្រែក្រោមខណ្ឌមានជ័យមុខរបរតុបតែងរោងការទាំង២នាក់ជាភេទទី៣។
មុនកើតហេតុកាលពីល្ងាចថ្ងៃទី២២ខែឧសភាឆ្នាំ២០២០នៅចំណុចមាត់ស្រះចិញ្ចឹមត្រី(ច្រកអតីតឡឥដ្ឋ)ផ្លូវលំបេតុងស្ថិតក្នុងភូមិព្រែកតាឡុង៣សង្កាត់ចាក់អង្រែក្រោមមានក្មេងប្រុសអាយុ១៣,១៤,១៥ឆ្នាំប្រមាណ១០ទៅ១៥នាក់បាននាំគ្នាទៅងូតទឹកស្រះលេង។
ក្រោយមកស្រាប់តែមានបុរសភេទទី៣ចំនួន២នាក់ជិះម៉ូតូ២គ្រឿងមកឈប់នៅមាត់ស្រះរួចហៅឱ្យក្មេងៗឡើងគោកមកឱ្យលុយចាយ។តែបែរជាយកទូរស័ព្ទថតប្រដាប់ភេទក្មេងប្រុសម្នាក់ទើបក្មេងៗទាំងនោះរត់ចុះងូតទឹកវិញទាំងអស់គ្នារួចម្នាក់ឈ្មោះដាដែលជាជនសង្ស័យបានចុះទៅក្នុងទឹកជាមួយក្មេងៗរួចចាប់ប្រដាប់ភេទក្មេងៗលេង។ទាំងអស់គ្នាគេក៏បាននាំគ្នារត់ឡើងគោកទៅផ្ទះវិញរៀងៗខ្លួន។
លុះមកដល់ម៉ោង៨យប់ថ្ងៃខែឆ្នាំដដែលក្មេងរងគ្រោះជាមួយមិត្តភក្កិសរុប៥នាក់ទើបត្រឡប់មកពីដើរលេងនៅក្រុងតាខ្មៅវិញខណៈពេលដើរមកដល់ចំណុចមាត់ស្រះទឹកបានជួបជាមួយបុរសភេទទី៣ឈ្មោះដានិងឈ្មោះម៉ាប់ចំណែកឯម្នាក់ទៀតមិនស្គាល់ឈ្មោះបានមកចាប់ដៃអូសទៅកៀនផ្លូវមានព្រៃរួចនិយាយថាឱ្យក្មេងទៅដេកជាមួយគ្នាខ្លួនគឺឱ្យ១៥ដុល្លារ តែក្មេងមិនព្រម។
ពេលនោះឈ្មោះដាបានចាប់អូសដៃចូលទៅក្នុងព្រៃរួចចាប់សម្រាតខោក្នុងធ្វើសកម្មភាពបៀតបៀនប្រទូសកេរ្តិ៍ខ្មាស់បណ្ដាលឱ្យមានចំណង់ផ្លូវភេទ។ពេលនោះបុរសភេទទី៣ឈ្មោះម៉ៃជាអ្នកចាប់ដៃពីក្រោយខ្នងបានប្រលែងដៃហើយទៅអូសដៃក្មេងរងគ្រោះម្នាក់ទៀតចូលព្រៃ។ក៏រំលោភរហូតបានសម្រេចទើបមួយសន្ទុះក្រោយមកក្មេងនោះក៏រើរួចក៏នាំគ្នារត់ទៅផ្ទះអស់ទៅ។
លុះថ្ងៃទី២ខែមិថុនាឆ្នាំ២០២០ឈ្មោះមៀចបូរនីដែលជាអ្នកជិតខាងក្មេងរងគ្រោះទាំងពីរនាក់នេះបានដឹងរឿង ក៏នាំម្ដាយជនរងគ្រោះទៅជួប អង្គការអង្គភាពការពារកុមារ CPU នៅក្បែរផ្សារស៊ីឡឹប ។ មកដល់ម៉ោង២យប់ស្រាប់តែអ្នកជិតខាងបានជួបបុរសភេទទី៣ទាំងពីរនាក់នោះកំពុងដើរតាមផ្លូវក្នុងភូមិព្រែកតាឡុងសង្កាត់ចាក់អង្រែក្រោមខណ្ឌមានជ័យក៏នាំទៅប្រគល់ឱ្យសមត្ថកិច្ចប៉ុស្តិ៍សាកសួរនិងនាំម្ដាយជនរងគ្រោះមកដាក់ពាក្យបណ្ដឹងនៅស្នាក់ការប៉ុស្តិ៍។
បច្ចុប្បន្នជនសង្ស័យទាំង២នាក់ត្រូវបានសមត្ថកិច្ចឃាត់ខ្លួនបណ្ដោះអាសន្នៅអធិការដ្ឋាននគរបាលខណ្ឌមានជ័យដើម្បីកសាងសុំណំរឿងបញ្ជូនខ្លួនទៅតុលាការចាត់ការបន្តតាមច្បាប់៕
