សៀមរាប៖លោកឧកញ៉ាសៀងណាំកាលពីព្រឹកថ្ងៃទី៥ខែមករាឆ្នាំ២០២១លោកឧកញ៉ាបានប្រគល់ថវិកាចំនួន៦.៤០០ដុល្លារអាមេរិកដល់វរសេនាតូចការពារព្រំដែនលេខ១សម្រាប់សាងសង់អគារផ្ទះបាយថ្មីដែលឈរជើងនៅចំណុចអូរកូនតឹងក្នុងភូមិសាស្ត្រភូមិត្រពាំងក្រសាំង ឃុំស្រែណូយស្រុកវ៉ារិន។
ជាមួយគ្នានោះ លោក ឧត្តមសេនីយ៏ទោ ស៊ីន ភាត់ មេបញ្ជាការតំបន់ប្រតិបត្ដិការសឹករងសៀមរាប បានថ្លែងអំណរគុណ យ៉ាងធំធេងចំពោះលោកឧកញ៉ា សៀង ណាំ តំណាងរាស្ដ្រមណ្ឌលសៀមរាប រួមជា មួយសមាជិកក្រុមសម្ព័ន្ធមេត្រីភាពទាំងអស់ ដែលជានិច្ចកាល តែងតែឧបត្ថម្ភគាំទ្រដល់កងកម្លាំង ។ជាពិសេសវរសេនាតូចការពារព្រំដែនលេខ១នេះ។ក្នុងនោះតំណាងឱ្យកងកម្លាំងទាំងអស់នៃវរសេនាតូចការពារព្រំដែនលេខ១បានប្តេជ្ញានិងខិតខំក្នុងកិច្ចការការពារជាតិមាតុភូមិឱ្យបានល្អជាពិសេសគឺតាមខ្សែបន្ទាត់ព្រំដែន។
សូមបញ្ជាក់ថានៅក្នុងរយៈពេលជាង១០ឆ្នាំមកនេះលោកឧកញ៉ាសៀងណាំតំណាងរាស្ដ្រមណ្ឌលសៀមរាបនិងជាប្រធានក្រុមសម្ព័ន្ធមេត្រីភាពជាមួយវរសេនាតូចការពារព្រំដែនលេខ១របស់តំបន់ប្រតិបត្តិការសឹករងខេត្តសៀមរាបបានជួយឧបត្ថម្ភដល់អង្គភាពមួយនេះទាំងផ្នែកស្បៀងអាហារនិងការងារអភិវឌ្ឍទីបញ្ជាការជាដើម៕សហការី
