កំពង់ឆ្នាំង៖ក្មេងប្រុសតូចៗ២នាក់បានលង់ទឹកស្លាប់ក្នុងស្រះទឹក។ហេតុការណ៍បង្កភ្ញាក់ផ្អើលនេះបានកើតឡើងនៅស្រះទឹករួមមួយក្នុងភូមិតាឪសឃុំក្តុលសែនជ័យស្រុកទឹកផុសខេត្តកំពង់ឆ្នាំងកាលពីរសៀលថ្ងៃទី១១ខែមករាឆ្នាំ២០២១។
មន្ត្រីនគបាលបានឱ្យដឹងថា៖ក្មេងប្រុសរងគ្រោះទាំង២នាក់ដែលស្លាប់នេះឈ្មោះវីជីវ៉ាន់ភេទប្រុសអាយុ៦ឆ្នាំឪពុកឈ្មោះសែមសុវីអាយុ៣៦ឆ្នាំនិងម្តាយឈ្មោះសួនសុផលអាយុ៣៦ឆ្នាំ។ក្មេងរងគ្រោះទី២ឈ្មោះជាតិរិទ្ធីភេទប្រុសអាយុ៤ឆ្នាំឪពុកឈ្មោះជរ័ជាតិអាយុ៣៧ឆ្នាំនិងម្តាយឈ្មោះសចាន់ថាអាយុ៣៣ឆ្នាំគ្រួសារទាំង២នាក់រស់នៅក្នុងភូមិ ឃុំ ស្រុកកើតហេតុខាងលើ ។
មន្រ្តីដដែលបានឱ្យដឹងទៀតថា៖នៅមុនពេលកើតហេតុឪពុកម្ដាយរបស់ក្មេងរងគ្រោះទាំងពីរបានចេញទៅរកមើលគោឯក្មេងប្រុសទាំងពីរនាក់នៅផ្ទះ។ពេលត្រឡប់មកពីឃ្វាលគោវិញមិនឃើញបាននាំគ្នាដើររកមើលក៏ឃើញខោអាវពួកគេទាំង២នៅទើលើរបងលួសហ៊ំព័ទ្ធស្រះ។មានការសង្ស័យក៏នាំគ្នាមុជទឹករាវរករហូតដល់ម៉ោង៩យប់ថ្ងៃទី១១មករា២០២១ទើបរកឃើញសពក្មេងប្រុសទាំង២នាក់បានស្លាប់នៅក្នុងទឹកបាត់ស្រះបាត់ទៅហើយ៕សហការី
