សៀមរាប៖បុរសម្នាក់បានស្លាប់ភ្លាមៗនៅនឹងកន្លែងកើតហេតុក្នុងករណីគ្រោះថ្នាក់ចរាចរណ៍មួយបានកើតឡើងរវាងរថយន្តនិងម៉ូតូ។ករណីនេះបានកើតឡើងនៅចំណុចភូមិលលៃឃុំបាគងស្រុកប្រាសាទបាគងខេត្តសៀមរាបកាលពីរសៀលថ្ងៃទី១១ខែមិថុនាឆ្នាំ២០២០។
សមត្ថកិច្ចនគរបាលស្រុកប្រាសាទបាគងបាននិយាយថាករណីគ្រោះថ្នាក់ចរាចរណ៍នេះគឺបង្កឡើងដោយភាគីខាងម៉ូតូដែលបើកបរបត់ឆ្លងផ្លូវដោយគ្មានការប្រុងប្រយ័ត្ន។សមត្ថកិច្ចបានបន្តថារថយន្តម៉ាកតាកូម៉ាពាក់ស្លាកលេខ.ភ្នំពេញ២BB៨៧៩១បើកបរដោយឈ្មោះណៃសំណាងភេទប្រុសអាយុ៣១ឆ្នាំរស់នៅភូមីគាបសង្កាត់ទឺកថ្លាក្រុងសេរីសោភ័ណ្ឌខេត្តបន្ទាយមានជ័យ។
រថយន្តនេះបុកជាមួយនឹងម៉ូតូម៉ាកហុងដា១២៥ពាក់ស្លាកលេខសៀមរាប១Q៨១៩៥បើកបរដោយឈ្មោះហ៊ីងហងភេទប្រុសអាយុ៥៣ឆ្នាំរស់នៅភូមិគោគស្រុកឃុំរលួសស្រុកប្រាសាទបាគងបណ្តាលឱ្យស្លាប់។រថយន្តនិងម៉ូតូយកទៅរក្សាទុកនៅអធិការដ្ឋានគបាលស្រុកប្រាសាទបាគងរង់ចាំការដោះស្រាយតាមផ្លូវច្បាប់៕
