ភ្នំពេញ៖អគ្គិភ័យបានឆាបឆេះផ្ទះល្វែងមួយកន្លែងក្នុងបុរីពិភពថ្មី(ឈូកវ៉ា១)ជាប់ស្ត្រីជាម្តាយនិងកូនប្រុសតូចពីរនាក់នៅក្នុងផ្ទះនោះបណ្ដាលឱ្យរងរបួសធ្ងន់ត្រូវជួយសង្គ្រោះទាន់និងបញ្ជូនទៅកាន់មន្ទីពេទ្យ។ហេតុការណ៍នេះបានកើតឡើងក្នុងបុរីពិភពថ្មីឈូកវ៉ា១ផ្ទះលេខ១០៦ផ្លូវបេភូមិផ្អែមសង្កាត់គោករកាខណ្ឌព្រែកព្នៅនៅថ្ងៃទី២៧ខែធ្នូឆ្នាំ២០២០នេះ។
ប្រភពបានឱ្យដឹងថាៈជនរងគ្រោះទី១ឈ្មោះ គឹម យូរី ភេទស្រីអាយុ ២៨ ឆ្នាំ ត្រូវជាម្តាយ ទី ២.ឈ្មោះសូរី វណ្ណភូភេទប្រុសអាយុ៥ឆ្នាំត្រូវជាកូននិងទី៣.ឈ្មោះសូរីផាយុទ្ធភេទប្រុសអាយុ៣ឆ្នាំត្រូវជាកូនបានរងរបួសទាំង៣នាក់។
តាមប្រភពព័ត៌មានបានឲ្យដឹងថាភ្លើងបានឆាបឆេះនៅចំណុចជំនាងផ្ទះខាងក្រោមនិងរាលដាលបង្កជាផ្សែងហុយទ្រលោមទៅផ្នែកខាងលើគាត់បានភ្ញាក់ឡើងប្រុងនាំកូនចុះហើយក៏ត្រូវភ្លើងស្ទាក់ជាប់បណ្ដាលឱ្យឆេះរងរបួស។ក្រោយមកប្រជាពលរដ្ឋនិងសន្តិសុខក៏បានវាយទម្លុះរនាំងបង្អួចចូលទៅសង្គ្រោះនាំទៅមណ្ឌលសុខភាពគោករការ។ទាក់ទិនអគ្គិភ័យនេះត្រូវបានម្ចាស់ផ្ទះក៏ដូចជាសមត្ថកិច្ចមានការសង្ស័យថាបណ្ដាមកពីទុស្សេរខ្សែភ្លើង៕សហការី