ព្រះសីហនុ៖កម្លាំងនគរបាលបានឃាត់ខ្លួនជនម្នាក់ពីបទប្រើអំពើហិង្សាដោយចេតនាវាយប្រពន្ធខ្លួនឯង(យកដុំឥដ្ឋវាយក្បាល)បណ្តាលឱ្យរងរបួសធ្ងន់បែកក្បាលដេរ២០ថ្នេរព្រោះតែការរស់នៅមិនចុះសម្រុងគ្នា។ករណីនេះបានកើតឡើងនៅក្នុងភូមិ២សង្កាត់៣ក្រុងព្រះសីហនុកាលពីថ្ងៃទី ២៦ខែធ្នូឆ្នាំ២០២០។
មន្ត្រីនគរបាលបានឱ្យដឹងថា៖ជនសង្ស័យឈ្មោះកៅដារ៉ាភេទប្រុសអាយុ៣២ឆ្នាំបានយកដុំឥដ្ឋវាយក្បាលប្រពន្ធរបស់ខ្លួនឈ្មោះរឹមសាខនអាយុ៣៤ឆ្នាំមុខរបរបុគ្គលិកកាស៊ីណូចំក្បាលពីខាងក្រោយរងរបួសធ្ងន់ដេរ២០ថ្នេរដោយមូលហេតុរស់នៅមិនចុះសម្រុងនឹងគ្នា។ជនសង្ស័យត្រូវកម្លាំងជំនាញឃាត់ខ្លួនដោយរកឃើញដែកចុងស្រួចពណ៌ខ្មៅស្រោបហ្វឺត១ដើមជាប់នឹងខ្លួនទៀតផង។ជនសង្ស័យសមត្ថកិច្ចបានកសាងសំណុំរឿងបញ្ជូនខ្លួនទៅតុលាការដើម្បីបន្តនីតិវិធី៕សហការី