អន្តរជាតិ៖អតីតប្រធានាធិបតីអាមេរិកលោក បារ៉ាក់អូបាម៉ាកាលពីថ្ងៃពុធទី ៣ ខែមិថុនាឆ្នាំ២០២០ បានសាទរចំពោះការតវ៉ាយ៉ាងជ្រាលជ្រៅរបស់ជនជាតិអាមេរិកដែលទាមទារយុត្តិធម៌ពូជសាសន៍។ក្នុងនោះលោកបាននិយាយថាការធ្វើបាតុកម្មកាលពីសប្តាហ៍មុនលើការសម្លាប់បុរសស្បែកខ្មៅម្នាក់នៅក្នុងការឃុំឃាំងរបស់ប៉ូលីស អាចបង្កឱ្យមានកំណែ ទម្រង់ទូទាំងប្រទេស។
យោងតាមសារព័ត៌មាន The Straits Times ចេញផ្សាយនៅថ្ងៃទី៤ ខែមិថុនាឆ្នាំ២០២០បានឱ្យដឹងថា នៅក្នុងការអត្ថាធិប្បាយជាវីដេអូដំបូងរបស់លោកចាប់តាំងពីលោកGeorgeFloydបានទទួលមរណភាពកាលពីថ្ងៃទី២៥ខែឧសភានៅទីក្រុងMinneapolisដែលបានបង្កភាពចលាចលនៅទូទាំងប្រទេស។
អតីតប្រធានាធិបតីអាមេរិករូបនេះក៏បានជំរុញឱ្យរដ្ឋនិងអាជ្ញាធរមូលដ្ឋានពិនិត្យឡើងវិញនូវគោលនយោបាយ របស់ពួកគេស្តីពីការប្រើប្រាស់កម្លាំង ។
គួរបញ្ជាក់ថាលោកអូបាម៉ាបានដឹកនាំការអត្ថាធិប្បាយរបស់គាត់ចំពោះបុរសនិងស្ត្រីស្បែកខ្មៅវ័យក្មេង ដែលគាត់និយាយថា ជាញឹកញាប់បានរង ឬឆ្លងកាត់អំពើហឹង្សាច្រើនពេកហើយ៕
