ខេត្តពោធិសាត់៖កម្លាំងរដ្ឋបាលជលផលខេត្តពោធិ៍សាត់សហការជាមួយ យោធាខេត្ត បានចុះបង្ក្រាបបទល្មើសនេសាទនៅក្នុងរដូវបិទនេសាទ។ការចុះបង្ក្រាបនេះបានធ្វើឡើងចាប់ពីចំណុចបឹងស្មោញភូមិក្អមសំណ ឃុំមេទឹកស្រុកបាកាននៃខេត្តពោធិសាត់កាលពីថ្ងៃទី៩កញ្ញា២០២០។
ជាលទ្ធផលការបង្ក្រាបបទល្មើសនេសាទនេះសមត្ថកិច្ច បានរុះរើនិងកម្ទេចចោល ឧបករណ៍នេសាទទំនើបបាន១ករណីរបាំងស្បៃមុង៦ខ្សែប្រវែង៩០០ម៉ែត្រលបកងស្បៃមុង១២មាត់បង្គោលចម្រឹងចំនួន៦៥០ដើមនិងបានចាក់លែងកូនត្រីចំរុះចូលទៅក្នុងទន្លេវិញ មួយចំនួន។
កន្លងមករដ្ឋបាលជលផលខេត្តពោធិ៍សាត់បានអំពាវនាវដល់ប្រជានេសាទទាំងអស់សូមកុំនេសាទនៅក្នុងរដូវទឹកឡើងដែលត្រីកំពុងពងកូននិងកុំកាប់បំផ្លាញព្រៃលិចទឹកដែលជាជម្រករបស់សត្វគ្រប់ប្រភេទដែលអាចធ្វើឱ្យមានទោសទណ្ឌដល់ខ្លួនឯងទៀត៕
