ភ្នំពេញ:គ្រោះថ្នាក់ចរាចរណ៍មួយដោយមានរថយន្តដឹកមេស៊ីម៉ងត៍បុកពីក្រោយអ្នកជិះម៉ូតូមួយគ្រឿងឌុបគ្នាបីនាក់និងកិនអូសម៉ូតូជាប់ក្រោមរថយន្តជិត២រយម៉ែត្របណ្តាលឱ្យយុវជន៣នាក់នោះបានស្លាប់រដូករណែលយ៉ាងរន្ធត់។ហេតុការណ៍នេះបានកើតឡើងនៅតាមបណ្ដោយផ្លូវ២១៧ក្នុងសង្កាត់ជើងឯក ខណ្ឌដង្កោរាជធានីភ្នំពេញកាលពីយប់ថ្ងៃទី១៤ខែវិច្ឆិកាឆ្នាំ២០២០។
មន្ត្រីសមតថកិច្ចបានឱ្យដឹងថាៈសពជនរងគ្រោះដែលស្លាប់១,មានឈ្មោះ នង វស្សា ភេទប្រុស អាយុ១៨ឆ្នាំជាកម្មករសំណង់ស្នាក់នៅសង្កាត់កើតហេតុនិងមានស្រុកកំណើតនៅភូមិពោធិរាជ ឃុំពោធិរាជ ស្រុកស្វាយជ្រំ ខេត្តស្វាយរៀង ។២,ឈ្មោះ ជូ ចេង ភេទប្រុស អាយុ២០ឆ្នាំជាកម្មករសំណង់ មានស្រុកកំណើតនៅភូមិដាំបឹង ឃុំស្រីងំ ស្រុកប្រាសាទសំបូរ ខេត្តកំពង់ធំ។៣,ឈ្មោះ គន់ សុខឃឿន ភេទប្រុស អាយុ២០ឆ្នាំមានស្រុកកំណើតនៅភូមិដាំបឹង ឃុំស្រីងំ ស្រុកប្រាសាទសំបូរ ខេត្តកំពង់ធំ។
ក្រោយពេលកើតហេតុសមត្ថកិច្ចធ្វើការវាស់វែងយករថយន្ដបង្កនិងម៉ូតូជនរងគ្រោះទៅរក្សារទុកស្នងការដ្ខាននគរបាលរាជធានីភ្នំពេញរង់ចាំម្ចាស់ក្រុមហ៊ុនចូលខ្លួនមកដោះស្រាយតាមផ្លូវច្បាប់។ចំណែកសពទាំង៣នាក់សមត្ថកិច្ចប្រគល់ឱ្យសាច់ញាតិយកទៅធ្វើបុណ្យរៀងៗខ្លួន៕សហការី