ក្រចេះ៖ទណ្ឌិតម្នាក់ដែលទើបទទួលទោសទណ្ឌក្នុងរយៈពេល១២ខែមកហើយនោះបានស្លាប់នៅក្នុងមន្ទីរពេទ្យបង្អែកខេត្តក្រចេះ ដោយសារមានជំងឺក្រិនថ្លើម ។តាមការស្រាវជ្រាវ និងពិនិត្យពីនគរបាលច្ចេកទេស នៃស្នងការដ្ឋាននគរបាលខេត្តក្រចេះបានឱយដឹងថាៈ សាកសពទណ្ឌិតមានឈ្មោះ ឆេន សុភាព ភេទប្រុស អាយុ ៥៧ឆ្នាំ មានស្រុកកំណើត ភូមិស្លែង ឃុំអូរសំបួរ ស្រុកកំពង់ស្វាយ ខេត្តកំពង់ធំ ។ បច្ចុប្បន្នរស់នៅចំណុចអូរអណ្តាស់ ភូមិ ឃុំអូរគ្រៀង ស្រុកសំបូរ ខេត្តក្រចេះ ។
មន្ត្រីនគរបាលដដែលបានបន្តថា៖ទណ្ឌិតរូបនេះត្រូវបានសាលាដំបូខេត្តក្រចេះបង្គាប់ឱ្យឃុំខ្លួននៅពន្ធនាគារខេត្តពាក់ព័ន្ធករណីរំលោភសេពសន្ទវៈលើកូនស្រីបង្កើតដែលអនុវត្តទោសទើបតែបានរយៈពេល១២ខែតែប៉ុណ្ណោះ។ជននេះ ក៏មានជំងឺប្រចាំកាយបណ្តាលឱ្យស្លាប់ កាលពីព្រឹកថ្ងៃទី២ ខែធ្នូ ឆ្នាំ ២០២០នៅមន្ទីរពេទ្យបង្អែកខេត្តក្រចេះ។មន្ត្រីនគរបាលបានបញ្ជាក់ថា៖សាកសពទណ្ឌិតស្លាប់ដោយសារជំងឺក្រិនថ្លើមនេះបើតាមការបញ្ជាក់ពីក្រុមគ្រូពេទ្យបង្អែកខេត្ត៕សហការី