ភ្នំពេញ៖បុរសម្នាក់រាយខ្សែភ្លើងឆក់ត្រីក្នុងវាលស្រែជាអកុសលបានឆក់ស្លាប់ខ្លួនឯងនៅក្នុងវាលស្រែរខាងក្រោយផ្ទះរបស់ខ្លួន។ហេតុការណ៍នេះបានកើតឡើងនៅក្នុងភូមិព្រះធាតុ សង្កាត់រលួស ខណ្ឌដង្កោ រាជធានីភ្នំពេញកាលពីវេលារសៀល ថ្ងៃទី៥ខែតុលា ឆ្នាំ២០២០។
មន្ត្រីនគរបាលប៉ុស្តិ៍រដ្ឋបាលសង្កាត់រលួសបានឱ្យដឹងថា៖សពជនរងគ្រោះមាន ឈ្មោះ គិន សំអុល ភេទប្រុសអាយុ៤៨ឆ្នាំមានមុខរបរកសិករស្នាក់នៅចំណុចកើតហេតុខាងលើមានកូនស្រីចំនួន៤នាក់នៅក្នុងបន្ទុករួមនិងប្រពន្ធឈ្មោះហ៊ែល គីម អាយុ អាយុ៥៣ឆ្នាំ។
ក្រោយពេលកើតហេតុសមត្ថកិច្ចជំនាញនគរបាលកោសល្យវិច័យនៃស្នងការនគរបាលរាជធានីភ្នំពេញបានចុះទៅពិនិត្យសពជនរងគ្រោះ។សមត្ថកិច្ចបានឱ្យដឹងថាសពបុរសនេះពិតជាត្រូវបានឆក់ដោយចរន្តអគ្គិសនីស្លាប់ពិតប្រាកដមែន៕
