ព្រះសីហនុ៖គ្រោះថ្នាក់ចរាចរណ៍ដែលបង្កឡើងដោយរថយន្តមិនស្គាល់ម៉ាកបានបើកបុកអ្នកជិះម៉ូតូបណ្តាលឱ្យបុរសម្នាក់ស្លាប់នៅកន្លែងកើតហេតុ។ហេតុការណ៍នេះបានកើតឡើងនៅលើផ្លូវជាតិលេខ៤ ស្ថិតក្នុងភូមិចំណោទរាមឃុំបិតត្រាងស្រុកព្រៃនប់ខេត្តព្រះសីហនុកាលពីព្រឹក ថ្ងៃទី១៦ខែធ្នូឆ្នាំ២០២០។
សមត្ថកិច្ចបានឱ្យដឹងថា៖ករណីគ្រោះថ្នាក់ចរាចរណ៍នេះបង្កឡើងដោយរថយន្ដមិនស្គាល់ម៉ាកមានទិសដៅពីខេត្តព្រះសីហនុឆ្ពោះទៅភ្នំពេញ។លុះដល់ចំណុចកើតហេតុបានបុកពីខាងក្រោយម៉ូតូម៉ាក ហុងដាវេវគ្មានផ្លាកលេខ។អ្នកបើកបរឈ្មោះកែវវាសនាភេទប្រុសអាយុ៣១ឆ្នាំនៅក្រុងព្រះសីហនុមិនពាក់មួកសុវត្ថិភាពបណ្តាលឱ្យស្លាប់។
ចំណែករថយន្តបង្ករត់គេចបាត់ក្រោយពេលកើតហេតុ សមត្ថកិច្ចជំនាញកំពុងស្រាវជ្រាវរក ។
រីឯវត្ថុតាង ម៉ូតូ១គ្រឿងបានយកមករក្សាទុកនៅអធិការដ្ឋាននគរបាលស្រុកព្រៃនប់៕សហការី
