ព្រះសីហនុ៖គ្រោះថ្នាក់ចរាចរណ៍បង្កឡើងដោយខ្លួនឯងជិះម៉ូតូដួលធ្លាក់ផ្លូវបណ្តាលឱ្យស្ត្រីខ្មែរអ៊ិស្លាមម្នាក់បានស្លាប់ក្រោយពេលបញ្ជូនទៅសង្គ្រោះនៅមន្ទីរពេទ្យស្រុកស្រែអំបិលខេត្តកោះកុងនិងបុរសម្នាក់រងរបួស។ហេតុការណ៍នេះបានកើតឡើងនៅលើដងផ្លូវ ជាតិលេខ៤ ចន្លោះគីឡូម៉ែត្រ ១៥៨និង១៥៩ស្ថិតនៅភូមិមនោរម្យឃុំតានៃស្រុកព្រៃនប់ខេត្តព្រះសីហនុកាលពីព្រឹកថ្ងៃទី២៩ខែកញ្ញាឆ្នាំ ២០២០។
សមត្ថកិច្ចបានឱ្យដឹងថាស្ត្រីដែលរងគ្រោះឈ្មោះម៉ានទីគ័សអាយុ៣៨ឆ្នាំរងរបួសធ្ងន់បានស្លាប់ពេលបញ្ជូនទៅមន្ទីរេពេទ្យនិងបុរសខ្មែរអ៊ិស្លាមម្នាក់ទៀតឈ្មោះលីមយីបអាយុ៤២ឆ្នាំរងរបួសស្រាល។អ្នកទាំង២រស់នៅភូមិ ៤ ឃុំ ដងទង់ ស្រុកស្មាច់មានជ័យខេត្តកោះកុង។
សមត្ថកិច្ចឱ្យដឹងថាជនរងគ្រោះជិះម៉ូតូស្មាស់ពាក់ស្លាកលេខ1AC3337មានទិសដៅពីរភ្នំពេញទៅខេត្តព្រះសីហនុ។មកដល់កន្លែងកើតហេតុក៏រអិលដួលបោកធ្លាក់ទៅចិញ្ចើមថ្នល់ជាតិ។ចំណែកម៉ូតូត្រូវបាននគរបាលស្រុកព្រៃនប់យកទៅរក្សាទុក៕