បាត់ដំបង៖ប៉ុស្តិ៍នគរបាលអន្តោប្រវេសន៍ច្រកទ្វារព្រំដែនអន្តរជាតិភ្នំដីដឹកនាំដោយលោកវរសេនីយ៍ឯកពៅមុនីជាតិនាយប៉ុស្តិ៍បានទៅជួបពិភាក្សាការងារព្រំដែនរវាងកងកម្លាំងមានសមត្ថកិច្ចពាក់ព័ន្ធកម្ពុជា-ថៃនៅអាគារទំនាក់ទំនងទាហានឈុតខ្មៅថៃប្រចាំច្រកទ្វារព្រំដែនអន្តរជាតិបានខៅឌីនប្រទេសថៃកាលពីព្រឹកថ្ងៃទី៤ខែមិថុនាឆ្នាំ២០២០។
នៅក្នុងជំនួបពិភាក្សាជុំវិញកិច្ចសហប្រត្តិបត្តិការលើការងារព្រំដែនរវាងកងកម្លាំងមានសមត្ថកិច្ចពាក់ព័ន្ធកម្ពុជា-ថៃធ្វើឡើងតាមការអញ្ជើញរបស់លោកវរសេនីយ៍ឯកRONNARONGSENGMI
មេបញ្ជាការវរៈសេនាធំឈុតខ្មៅថៃលេខ១៣ដែលទើបផ្លាស់ចូលកាន់តំណែងថ្មី។ភាគីកម្ពុជាក៏មានការអញ្ជើញចូលរួមដោយមានលោកអធិការនគរបាលស្រុកសំពៅលូន,លោកមេបញ្ជាការកងវរៈសេនាតូចលេខ១,លោកមេបញ្ជាការវរៈសេនាតូចនគរបាលការពារព្រំដែនគោកលេខ៨១៧។
ភាគីទាំងពីរក៏បានលើកឡើងនូវខ្លឹមសារសំខាន់ៗ ក្នុងកិច្ចជំនួបពិភាក្សានេះ មាន ១,រួមគ្នាទប់ស្កាត់ ការរីករាលដាលជំងឺកូវីដ-១៩,២,សហការទប់ស្កាត់ការលួចឆ្លងដែនខុសច្បាប់នានា។ជាពិសេសស្នើសុំសមត្ថកិច្ចថៃសម្របសម្រួលធ្វើការចាត់បញ្ជូនត្រឡប់មកកម្ពុជាវិញ។ចំពោះបងប្អូនប្រជាពលរដ្ឋខ្មែរដែលសមត្ថកិច្ចថៃចាប់ឃាត់ខ្លួនបាននៅពេលឆ្លងកាត់ចូលទៅប្រទេសថៃតាមច្រករបៀងនានា។៣,បន្តបង្កើនកិច្ចសហប្រត្តិបត្តិការល្អរវាងភាគីទាំងពីរកម្ពុជា-ថៃ៕
