ភ្នំពេញ៖ក្មេង៣នាក់បានស្លាប់នៅក្រោមគំនរឥដ្ឋខណៈដែលកំពុងតែអង្គុយលេងក្បែរជញ្ជាំងឥដ្ឋជាន់ផ្ទាល់ដី។ឪពុកម្តាយបានឡើងទៅរៀបឥដ្ឋនៅជាន់លើស្រាប់តែជញ្ជាំងរលំសង្កត់លើស្លាប់ភ្លាមៗតែម្តង។ហេតុការណ៍នេះបានកើតឡើងនៅចំណុចផ្ទះល្វែងជាន់ផ្ទាល់ដី(កំពុងសាងសង់ថ្មី)ខាងកើតវត្តឬស្សីសាញ់សង្កាត់ព្រៃសខណ្ឌដង្កោនៅកាលពីរសៀលថ្ងៃទី៣ខែមិថុនាឆ្នាំ២០២០។សពក្មេងរងគ្រោះទាំង៣នាក់បានដឹកដល់ស្រុកកំណើតនៅស្រុកព្រះស្តេចខេត្តព្រៃវែងព្រឹកថ្ងៃទី៤ខែមិថុនាឆ្នាំ២០២០នេះហើយ។
សមត្ថកិច្ចបានឱ្យថា ក្មេងរងគ្រោះទី១៖ ឈ្មោះ ឆេង ញ៉ ភេទប្រុស អាយុ៧ឆ្នាំ ទី២៖ ឆេង ចំរើនភេទស្រី អាយុ២ឆ្នាំមានឪពុកឈ្មោះម៉េងនីអាយុ៤២ឆ្នាំនិងម្តាយឈ្មោះព្រុំហួនអាយុ៤៣ឆ្នាំនៅស្រុកព្រះស្ដេចខេត្តព្រៃវែង(ជាជាងសំណង់រៀបឥដ្ឋ)និងសពក្មេង។ទី៣៖ឈ្មោះម៉េងទូចភេទស្រីអាយុ៣ឆ្នាំមានឪពុកឈ្មោះ ម៉ាប់ ឡុង អាយុ២៨ឆ្នាំ និងម្តាយឈ្មោះ ឆេង នាង អាយុ២៧ឆ្នាំនៅស្រុកព្រះស្ដេចខេត្តព្រៃវែង (ជាជាងសំណង់រៀបឥដ្ឋ)។
មូលហេតុដោយសារក្មេងទាំង៣នាក់ទៅក្បែរជញ្ជាំងឥដ្ឋនៅពេលឪពុកម្តាយរបស់ពួកគេឡើងទៅធ្វើការនៅជាន់លើ ស្រាប់តែវារលំសង្កត់ពីលើស្លាប់តែម្តង៕
