ភ្នំពេញ៖រថយន្តមួយគ្រឿងបានបើកបុកពីក្រោយអ្នកជិះម៉ូតូនិងកិនចំក្បាលបណ្ដាលឱ្យប្រពន្ធស្លាប់ទាំងមានកូនក្នុងផ្ទៃ៦ខែឯប្ដីរងរបួស។ហេតុការណ៍នេះបានកើតឡើងនៅតាមបណ្ដោយផ្លូវវិមានឈ្នះឈ្នះក្នុងសង្កាត់បាក់ខែងខណ្ឌជ្រោយចង្វារកាលពីព្រលប់ថ្ងៃទី២៩ខែវិឆ្ឆិកាឆ្នាំ២០២០។
មន្ត្រីនគរបាលបានដឹងពីជនរងគ្រោះជាប្តីឱ្យដឹងថាៈប្រពន្ធគាត់មានផ្ទៃពោះ៦ខែដែលធ្វើដំណើរមកពីខេត្តស្វាយរៀងត្រឡប់ទៅភ្នំពេញដើម្បីចូលធ្វើការងារវិញ។សពស្ត្រីរងគ្រោះឈ្មោះស្រីនីភេទស្រីអាយុ២៥ឆ្នាំមុខរបកម្មការនីរោងចក្រព្រៃស មានស្រុកកំណើតនៅខេត្តស្វាយរៀង។
ប្រភពដដែលបានបន្តថាៈជនរងគ្រោះជិះម៉ូតូពណ៌ខ្មៅពាក់ផ្លាកលេខស្វាយរៀង1J.9865។ឯរថយន្តម៉ាកហ៊ីយ៉ាន់ដាយពាក់ផ្លាកលេខព្រះស៊ីហនុ3A7295។រថយន្តបង្កព្យាយាមបើករត់ទាំងម៉ូតូនៅក្រោមរថយន្តអូសប្រមាណជិតមួយរយម៉ែត្របានទុករថយន្តចោលរត់ចូលព្រៃបាត់៕សហការី
