ព្រះសីហនុ៖មន្ត្រីកងរាជអាវុធហត្ថក្រុងកោះរ៉ុងបានឱ្យដឹងថាៈនៅវេលាទៀបភ្លឺចូលព្រឹកថ្ងៃទី១៦ ខែធ្នូ ឆ្នាំ២០២០មានអគ្គិភ័យមួយបានឆាបឆេះឃ្លាំងផ្ទុកសម្ភាររបស់ក្រុមហ៊ុនសុខសាន្តរីហ្សតកោះរ៉ុង។ឃ្លាំងនោះមានទំហំ១៥ម៉ែត្រគុណនិង៣០ម៉ែត្រធ្វើពីឈើប្រក់ស័ង្កសីរបស់ឧកញ៉ាគិតម៉េងដែលស្ថិតនៅភូមិសុខសាន្ត សង្កាត់កោះរ៉ុង ក្រុងកោះរ៉ុង ខេត្តព្រះសីហនុ។
មន្ត្រីកងរាជអាវុធហត្ថបានបន្តថាៈករណីនេះមានការខូចខាតសម្ភារមានដូចជា៖រថយន្តឆែរឡែតចំនួន១គ្រឿង-ម៉ាស៊ីនអូប័រ២៥០សេសចំនួន២គ្រឿង-ម៉ាស៊ីនត្រជាក់ចំនួន៥គ្រឿង-ទូរទឹកកកតូច៤គ្រឿង-ម៉ាស៊ីនស្វាន២គ្រឿង-ខ្សែភ្លើងដងហ្វាតុកៅអីកង្ហារនិងសម្ភារមួយចំនួនទៀត។ក្នុងករណីអគ្គិភ័យខាងលើនេះមិនគ្រោះថ្នាក់ដល់មនុស្សទេ។
អគ្គិភ័យរលត់ទាំងស្រុងទៅវិញនៅព្រឹកថ្ងៃដដែល។មូលហេតុនៃការឆេះកម្លាំងកំពុងធ្វើការស្រាវជ្រាវ៕សហការី
