សៀមរាប៖គ្រោះថ្នាក់ចរាចណ៍ដោយរថយន្តបុកជាមួយម៉ូតូបណ្តាលឱ្យមន្ត្រីកំចាត់មីនកម្ពុជាស៊ីម៉ាក់(CMAC)ម្នាក់បានស្លាប់ពេលបញ្ជូនទៅមន្ទីរពេទ្យឯអ្នករួមដំណើរម្នាក់បានរងបួស។
ហេតុការណ៍បានកើតឡើងនៅត្រង់ចន្លោះបង្គោលគីឡូលេខ២៩១.២៩២ចំណុចភូមិរកាកំបុតឃុំត្រពាំងធំស្រុកប្រាសាទបាគង លើដងផ្លូវជាតិលេខ ៦កាលពីព្រលប់ទី២៥ ខែ តុលាឆ្នាំ២០២០ ។
មន្ត្រីនគរបាលស្រុកប្រាសាទបាគងបានឱ្យដឹងថា៖ ករណីនេះបង្កឡើងដោយរថយន្ដម៉ាកFORLAND ពណ៌សពាក់ ស្លាកលេខ ភ្នំពេញ3C.0435អ្នកបើកបរមិនស្គាល់អត្ដសញ្ញាណក្រោយបង្កហេតុ អ្នកបើករថយន្ដចុះរត់គេចខ្លួនបាត់។រថយន្តបានបុកម៉ូតូម៉ាកហុងដាសេ១២៥សេរីឆ្នាំ២០១១ពណ៌ខ្មៅពាក់ស្លាកលេខសៀមរាប 1K 8441។
បើកបរដោយឈ្មោះស៊ាគឹមសៀងភេទប្រុសអាយុ២១ឆ្នាំសញ្ជាតិខ្មែរជាបុគ្គលិកស៊ីម៉ាក់បានស្លាប់នៅពេលបញ្ជូនដល់មន្ទីរពេទ្យ។ ចំណែកអ្នករួមដំណើរម្នាក់ទៀតឈ្មោះ សុខ កក្ដដាភេទប្រុស អាយុ២៥ ឆ្នាំសញ្ជាតិខ្មែរ ជាបុគ្គលិកស៊ីម៉ាក់ មានទីលំនៅស្រុកប្រាសាទបាគង រងរបួសធ្ងន់៕សហការី
