ភ្នំពេញ:បុរសម្នាក់បើករថយន្តធំអាចងោកមួយភាំងបើកឡើងសួនច្បារចែកផ្លូវទៅបុកបង្គោលប៉ាន់ណូមួយដើមបាក់រាបដល់ដីតៃកុងកៀបជាប់នៅក្នុងកាប៊ីនរងរបួសធ្ងន់។ហេតុការណ៍បានកើតឡើងនៅតាមបណ្តោយផ្លូវភ្នំពេញហាណូយក្នុងសង្កាត់ឃ្មួញខណ្ឌសែនសុខកាលពីយប់ថ្ងៃទី២០ខែតុលាឆ្នាំ២០២០។
សាក្សីបានដឹងថាមុនកើតហេតុបុរសម្នាក់បើករថយន្តធំពាក់ស្លាកលេខភ្នំពេញ3A.1656ធ្វើដំណើរតាមបណ្ដោយផ្លូវភ្នំពេញហាណូយ។លុះមកដល់ចំណុចកើតហេតុក៏មានរថយន្តជាច្រើនគ្រឿងឈប់បន្តកន្ទុយគ្នានៅនឹងស្តុប។ខណៈនោះអ្នកបើកបរអាចងោកមួយភាំងក៏រ៉េចង្កូតឡើងលើសួនច្បារចែកផ្លូវរទៅបុកបង្គោលប៉ាន់ណូផ្សាយពាណិជ្ជកម្មបណ្ដាលឱ្យដែកបង្គោលតៃកុងកៀបជាប់ជើងរើមិនរួច។
សមត្ថកិច្ចជំនាញវាស់វែងយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញរង់ចាំធ្វើការដោះស្រាយនៅពេលក្រោយ៕
