ខេត្តព្រះសីហនុ៖គ្រោះថ្នាក់ចរាចរណ៍មួយដោយមានរថយន្តបើកបុកអ្នកជិះម៉ូតូបណ្តាលឱ្យបុរសម្នាក់បានស្លាប់ពេលចេញពីធ្វើការរោងចក្រ។ហេតុការណ៍នេះបានកើតឡើងនៅលើផ្លូវជាតិលេខ៤ចន្លោះគីឡូម៉ែត្រលេខ១៩៩និង២០០ភូមិអូរតាសេកឃុំអូរឧញ៉ាហេងស្រុកព្រៃនប់ខេត្តព្រះសីហនុកាលពីយប់ថ្ងៃទី២១ធ្នូ២០២០។
មន្ត្រីសមត្ថកិច្ចបានឱ្យដឹងថា៖គ្រោះថ្នាក់ចរាចរណ៍នេះបានកើតឡើងរវាងរថយន្ដធំមិនស្គាល់ម៉ាកនិងអត្តសញ្ញាណអ្នកបើកបរ។រថយន្តនេះបានប៉ះជាមួយម៉ូតូម៉ាកវេវពណ៌ខ្មៅគ្មានផ្លាកលេខទិសដៅផ្ទុយគ្នាអ្នកបើកបរម៉ូតូឈ្មោះគីមសារីភេទប្រុសអាយុ៣៥ឆ្នាំជាកម្មកររោងចក្រ។ជនរងគ្រោះនៅភូមិស្រែចាមក្រោមឃុំអូរជ្រៅស្រុកព្រៃនប់ខេត្តព្រះសីហនុ(ស្លាប់)។ក្រោយកើតហេតុភាគីខាងរថយន្តបានបើករត់គេចបាត់សមត្ថកិច្ចកំពុងតែស្រាវជ្រាវរកអ្នកបើកបររថយន្តយកមកផ្តន្ទាទោសតាមច្បាប់ ៕សហការរី
