ភ្នំពេញ:បុរសម្នាក់បើករថយន្តលឿនវ៉ាជែងកៀររថយន្តដឹកអ្នកដំណើររបស់ក្រុមហ៊ុនវីរ:ប៊ុនថាំទៅកៀនហើយរថយន្តបង្កនៅមិនទាន់អស់ល្បឿនបានជ្រុលទៅបុកបង្កាន់ដៃស្ពានបណ្តាលឱ្យរថយន្ដរងការខូចខាត។ហេតុការណ៍នេះបានកើតឡើងនៅលើស្ពានជ្រោយចង្វារចាស់សង្កាត់ជ្រោយចង្វារខណ្ឌជ្រោយចង្វារកាលពីយប់ថ្ងៃទី១០ ខែកញ្ញា ឆ្នាំ២០២០។
បន្ទាប់ពីកើតហេតុតំណាងរថយន្តបង្កបានចេញមុខដោះស្រាយដោយពួកគេបញ្ចប់រឿងជាមួយរថយន្តរងគ្រោះនៅនឹងកន្លែងកើតហេតុដោយសងថ្លៃជួសជុលទៅតាមទំហំនៃការខូចខាត។នៅសល់តែថ្លៃខូចខាតបង្កាន់ដៃស្ពានមិនទាន់អាចដោះស្រាយបានរថយន្តបង្កត្រូវបានសមត្ថកិច្ចជំនាញចរាចរណ៍ក្រុងយកទៅរក្សាទុករង់ចាំដោះស្រាយគ្នានៅពេលក្រោយ ៕