ខេត្តកំពង់ឆ្នាំង៖គ្រោះថ្នាក់ចរាចរណ៍រវាងរថយន្តនិងម៉ូតូបណ្តាលឱ្យស្ត្រីម្នាក់ស្លាប់និងម្នាក់ទៀតបានរងរបួសធ្ងន់។ហេតុការណ៍នេះបានកើតឡើងនៅលើកំណាត់ផ្លូវជាតិលេខ៥ក្នុងភូមិចម្ការស្វាយឃុំសេដ្ឋីស្រុកសាមគ្គីមានជ័យខេត្តកំពង់ឆ្នាំងកាលពីរសៀលថ្ងៃទី២១ធ្នូ២០២០។
មន្ត្រីនគរបាលបានឱ្យដឹងថា៖ករណីគ្រោះថ្នាក់ចរាចរណ៍នេះបង្កឡើងដោយរថយន្តម៉ាកហ៊ីយ៉ាន់ដាយពណ៌សពាក់ផ្លាកលេខកំពង់ចាម.3A.91.33បើកបរដោយឈ្មោះម៉ៅសុខមីភេទប្រុសអាយុ៣៤ឆ្នាំនៅភូមិ/ឃុំអូតាប៉ោងស្រុកបាកានខេត្តពោធិសាត់បើកបរក្នុងទិសដៅស្របគ្នា។
ប្រភពដដែលបានបន្តថា៖អ្នកបើករថយន្តមកដល់កន្លែងចំណុចកើតហេតុបានឡើងវ៉ាជែងម៉ូតូក្នុងស្ថានភាពផ្លូងកំពង់ស្ថាបនាបណ្តាលឱ្យអ្នកជិះម៉ូតូដួលនិងអ្នករួមដំណើរជិះពីក្រោយខ្ទាត់ចូលកង់រថយន្តផ្នែកខាងក្រោយបណ្តាលឱ្យរថយន្តនោះកិនស្លាប់។ជនរងគ្រោះដែលស្លាប់ឈ្មោះនាងគន្ធាភេទស្រីអាយុ២៨ឆ្នាំនៅភូមិតាង៉ូវសង្កាត់ច្បារអំពៅរាជធានីភ្នំពេញ និងអ្នកបើកបរម៉ូតូរងរបួសធ្ងន់។
ក្រោយកើតហេតុសមត្ថកិច្ចបានឃាត់ខ្លួនអ្នកបើកបររថយន្តនាំយកទៅអធិការដ្ឋានសាកសួនិងបញ្ជូនបន្តទៅការរិយាល័យចរាចរណ៍ផ្លូវគោកខេត្តចាតការបន្តតាមនីតិវិធី៕សហការី
