បាត់ដំបង ៖ ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង មានកិត្តិយសសូមគោរពជម្រាបជូនសាធារណជន អ្នកសារព័ត៌មាននិងអ្នកនិយមប្រេីប្រាស់បណ្តាញសង្គមបានជ្រាបថានៅថ្ងៃទី១៦ខែខែវិច្ឆិកាឆ្នាំ២០២២នេះសារព័ត៌មាន(ពេញចិត្តមេឌា)បានចុះផ្សាយនូវខ្លឹមសារព័ត៌មានថា (លោកពេជ្រ សារ៉ែន អធិការក្រុងបាត់ដំបង មិនយកចិត្តទុកដាក់បង្រ្កាបល្បែងកន្ទុយលេខឆ្នោតយួន-សៀមកំពុងពេញនិយមនិងរីកដូចផ្សិតក្នុងផ្សារភូពុយ)។
បានឃេីញព័ត៌មាននេះភ្លាមលោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង បានដាក់បទបញ្ជាដល់ក្រុមការ ងារប្រតិកម្មរហ័សនៃស្នងការដ្ឋាននគរបាលខេត្តបាត់ដំបង រួមជាមួយលោកអធិការនគរបាលក្រុងបាត់ដំបបដែលមានលោកវរសេនីយ៍ឯក ពេជ្រ សារ៉ែន ជាអធិការ ធ្វេីការស្រាវជ្រាវចំពោះខ្លឹមសារដែលសារព័ត៌មានបានផ្សព្វផ្សាយ។
រហូតមកដល់ពេលរសៀលនេះសមត្ថកិច្ចនគរបាលនៃអធិការដ្ឋាននគរបាលក្រុងបាត់ដំបង បានចុះទៅដល់ចំណុចគោលដៅដែលសារព័ត៌មានបានផ្សព្វផ្សាយ នោះហេីយគឺចំណុចផ្សារភូពុយ ក្នុងក្រុងបាត់ដំបង ។
ចំពោះអ្នកប្រព្រឹត្តល្មេីសទាក់ទងនឹងករណីខាងលេីនេះ សមត្ថកិច្ចនគរបាលនឹងចាត់វិធានការជាក់ស្តែងទៅតាមសកម្មភាពដែលបានប្រព្រឹត្តព្រោះមានរូបភាពផ្ទាល់ដែលសារព័ត៌មានបានផ្សព្វផ្សាយរួចហេីយ ។
ទន្ទឹមនេះក្នុងនាមស្នងការនៃស្នងការដ្ឋាននរបាលខេត្តបាត់ដំបងសូមថ្លែងអំណរគុណចំពោះការចូលរួមផ្តល់ព័ត៌មានដល់សមត្ថកិច្ចនគរបាលពីសំណាក់អ្នកសារព័ត៌មានឬមហាជននៅគ្រប់មជ្ឈដ្ឋាននានាដែលព័ត៌មាន ពិតជាមានសារសំខាន់មិនអាចខ្វះបាន ដេីម្បីសមត្ថកិច្ចមានមូលដ្ឋានក្នុងការស្រាវជ្រាវស៊េីបអង្កេតស្វែងរកករណីល្មេីសនិងជនសង័្សយបានទាន់ពេលវេលា។
ដូចបានជម្រាបជូនខាងលេីសូមសាធារណជនអ្នកសារព័ត៌មាននិងអ្នកនិយមប្រេីប្រាស់បណ្តាញសង្គមមេត្តាជ្រាបជាព័ត៌មាន សូមអរគុណ៕
