ភ្នំពេញ៖រថយន្តកាមរីបាឡែនកំពុងបើកបរបានឆ្លងចរន្តភ្លើងបណ្តាលឱ្យឆេះហុយផ្សែងបង្កការភ្ញាក់ផ្អើលយ៉ាងខ្លាំងនៅសង្កាត់បឹងត្របែក ខណ្ឌចម្ការមនកាលពីព្រឹកថ្ងៃទី១ ខែវិច្ឆិកា។
អ្នកដំណើរបានឱ្យដឹងថា មុនកើតហេតុឃើញរថយន្តកាមរីបាឡែនផ្លាកលេខ ភ្នំពេញ 2H-0697 កំពុងបើកបរតាមផ្លូវ។លុះដល់កន្លែងខាងលើស្រាប់តែឆ្លងចរន្តភ្លើងមានផ្សែងហ៊ុយផ្សែង បង្កការភ្ញាក់ផ្អើលយ៉ាងខ្លាំងត្រូវអ្នកដំណើរនិងពលរដ្ឋបាននាំគ្នាជួយ យកបំពង់ពន្លត់អគ្គិភ័យ មកបាញ់រហូតភ្លើងរលត់ទៅវិញ។
ក្នុងករណីគ្រោះអាសន្ននោះមិនបង្កប៉ះពាល់ឱ្យមនុស្សរងរបួសទេតែរថយន្តបានខូចខាតយ៉ាងដំណំ ៕
