ភ្នំពេញ៖គ្រោះថ្នាក់ចរាចរណ៍មួយបានកើតឡើងដោយសារ រថយន្តកុងតឺន័រ បើកបត់ត្រឡប់ក្រោយជ្រុលកៀររថយន្តឃ្លប់ ដឹកភេសជ្ជៈ គាបជាប់ក្មេងប្រុសអាយុ១៤ឆ្នាំម្នាក់ក្នុងកាប៊ីន អស់រយៈពេលជិត១ម៉ោងទើបយកក្មេងចេញបាន រួចផុតពីគ្រោះថ្នាក់។ហេតុការណ៍បានកើតឡើងនៅតាមផ្លូវជាតិលេខ៣ មុខខ្លោងទ្វារវត្តគោកខ្សាច់ ភូមិជ័យឧត្តម សង្កាត់ភ្លើងឆេះរទេះ ខណ្ឌកំបូលកាលពីរសៀល ថ្ងៃទី១៤ ខែកញ្ញា ឆ្នាំ២០២០ ។
ភាគីខាងរថយន្តរងគ្រោះ ម៉ាកហ៊ីយ៉ាន់ដាយ ឃ្លប់ ពណ៌ស ពាក់ស្លាកលេខ យ 1518 ភព3 បើកបរដោយឈ្មោះ អឿន សំអុល ភេទប្រុស អាយុ៣៧ឆ្នាំ មុខរបរ បើកបររថយន្ត ស្នាក់នៅផ្ទះជួល ភូមិវត្តស្លែង សង្កាត់ពងទឹក ខណ្ឌដង្កោ។អ្នករួមដំណើរជាមួយ ក្មួយប្រុសឈ្មោះ លី វណ្ណេត អាយុ១៤ឆ្នាំ ជាសិស្ស ទើបមកលេងឪពុកមា (អ្នកបើកបរ) មានទីលំនៅឯស្រុកព្រៃកប្បាស ខេត្តតាកែវ ។
ករណីនេះត្រូវបានសមត្ថកិច្ច ចុះទៅពិនិត្យ វាស់វែងរួច យកទៅរក្សាទុក នៅផ្នែកជំនាញខណ្ឌ រង់ចាំតំណាងខាងភាគី រថយន្តកុងតឺន័រ ចូលខ្លួនដោះស្រាយ នៅពេលក្រោយ ៕
