ត្បូងឃ្មុំ៖គ្រោះថ្នាក់ចរាចរណ៍មួយដោយមានរថយន្ដធុនធំបើកបុកជាមួយរថយន្តដឹកទឹកកកបណ្តាលឱ្យរបួសធ្ងន់២នាក់អ្នកបើករថយន្តធំបានរត់គេចខ្លួនបាត់។ហេតុការណ៍នេះបានកើតឡើងនៅចំណុចជិតសាលាបឋមសិក្សាម្រាមទាកឃុំជប់ស្រុកត្បូងឃ្មុំខេត្តត្បូងឃ្មុំកាលពីវេលាម៉ោង១២ថ្ងៃត្រង់ថ្ងៃទី១៤ខែកញ្ញាឆ្នាំ២០២០។
សមត្ថកិច្ចបានឱ្យដឹងថាៈជនរងគ្រោះទាំងពីរនាក់នោះមានឈ្មោះ ខន ខៀវ អាយុ២៣ឆ្នាំ នៅភូមិតាអុង ឃុំតាអុង ស្រុកចំការលើរងរបួសធ្ងន់។អ្នក រួមដំណើរដោយឈ្មោះ ជិន សុជាតិ អាយុ១៧ឆ្នាំនៅភូមិរមូលឃុំរអាងស្រុកកំពង់សៀមខេត្តកំពង់ចាមរងរបួសធ្ងន់។ពួកគេទាំងពីរជិះរថយន្តម៉ាក Hyundai ពណ៌សពាក់ស្លាកលេខកំពង់ចាម 3A6757ប្រភេទសណ្តោងសឺមីរ៉ឺម៉កលេខកំពង់ចាម 4A-0202។
ប្រភពព័ត៌មាន បានឱ្យដឹងថា រថយន្តបង្ក Hyundai ពណ៌បៃតងខ្ចី ពាក់ស្លាកលេខភ្នំពេញ3A-6831 បើកបរដោយឈ្មោះ ផាន រីន អាយុ៥២ឆ្នាំ នៅភូមិវាលវង់ ឃុំរការពប្រាំ ស្រុកត្បូងឃ្មុំ ខេត្តត្បូងឃ្មុំ របួសធ្ងន់។អ្នករួមដំណើរដោយឈ្មោះ ហួង សុភាព អាយុ២៤ឆ្នាំ នៅភូមិស្រះ ឃុំឈូក ស្រុកក្រូចឆ្មារ ខេត្តត្បូងឃ្មុំ រងរបួសស្រាល។ក្នុងទិសដៅបញ្ច្រស់គ្នា រថយន្តម៉ាក Hyundai (V1) បើកបរមកពីកើតទៅលិច ប្រើប្រាស់ល្បឿនលឿន រអិលវេចង្កូត ទៅបុករថយន្តម៉ាក Hundai ពណ៌បៃតងខ្ចី ពាក់ស្លាកលេខភ្នំពេញ3A-6831។
ក្រោយកើតហេតុកម្លាំងនគរបាលជំនាញបានស្ទួចយករថយន្តទាំងពីរគ្រឿងនិងសម្រួលចរាចរណ៍ឡើងវិញ រួចយកទៅរក្សាទុកនៅអធិការដ្ឋានគរបាស្រុកត្បូងឃ្មុំ ដើម្បីរង់ចាំដោះស្រាយតាមនីតិវីធី ៕
