ស្វាយរៀង៖ម៉ូតូសណ្តោងរ៉ឺម៉កទ្រុងដឹកគោបានឈប់ចតចិញ្ចើមផ្លូវពេលយប់គ្មានភ្លើងសញ្ញាបំភ្លឺត្រូវម៉ូតូបើកបុកពេញទំហឹងបណ្តាលឱ្យគ្រូបង្រៀនម្នាក់រងរបួសធ្ងន់។
នគរបាលស្រុកបានឱ្យដឹងថា គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ១៣ ស្ថិតក្នុងភូមិត្រពាំងក្រែត ឃុំជ្រុងពពេល ស្រុករំដួល ខេត្តស្វាយរៀងកាលពីយប់ថ្ងៃទី២៣ខែមិថុនាឆ្នាំ២០២២។ជនរងគ្រោះ ឈ្មោះសួស សារ៉ាន អាយុ ៤៤ឆ្នាំជាគ្រូបង្រៀននៅភូមិ ឃុំខាងលើជិះម៉ូតូម៉ាកហុងដាឌ្រីមផ្លាកលេខស្វាយរៀង 1R-7637ខូចខាតស្ទើរទាំងស្រុង។
ចំណែកភាគីម៉ូតូសណ្ដោងរ៉ឺម៉កឈ្មោះ យៀម យ៉ន់ អាយុ ៣៥ឆ្នាំ នៅភូមិថ្មី ឃុំបុសមន ស្រុករំដួល ខេត្តស្វាយរៀង ម៉ូតូម៉ាកហុងដាវ៉េវផ្លាកលេខកណ្ដាល1H-5207។ក្រោយកើតហេតុសមត្ថកិច្ចបានមកវាស់វែងនិងយកម៉ូតូនិងរ៉ឺម៉កទៅរក្សាទុកនៅប៉ុស្តិ៍រដ្ឋបាលជ្រុងពពេល ដើម្បីដោះស្រាយពេលក្រោយ៕
