មណ្ឌលគិរី៖មកដល់ថ្ងៃទី៩ខែឧសភាឆ្នាំ២០២២នេះសមត្ថកិច្ចនៅមិនទាន់ចាប់បានអ្នកបើកបររថយន្តបុកម៉ូតូបណ្តាលឱ្យស្រ្តីម្នាក់បានស្លាប់នៅឡើយទេ។
ហេតុការណ៍រថយន្តបុកម៉ូតូឱ្យស្លាប់ស្រ្តីម្នាក់នោះបានកើតឡើងត្រង់ផ្លូវបត់កោងចន្លោះគីឡូម៉ែត្រលេខ ៩៨-៩៩លើផ្លូវជាតិ៧៦ក្នុងភូមិអណ្ដូងក្រឡឹង ឃុំសែនមនោរម្យ ស្រុកអូររាំង ខេត្តមណ្ឌលគិរីកាលពីថ្ងៃទី៨ ខែឧសភាឆ្នាំ២០២២។
សាក្សីបានឱ្យដឹងថា នៅថ្ងៃកើតហេតុរថយន្តសាំយ៉ុង១គ្រឿងបើកបរបញ្ច្រាសគ្នាទៅបុកម៉ូតូពេញទំហឹងបណ្តាលឱ្យស្លាប់ស្រ្តីម្នាក់ភ្លាមៗហើយអ្នកបើករថយន្តបង្កហេតុបានរត់គេចខ្លួនបាត់។រថយន្តបង្កហេតុ ម៉ាកសាំយ៉ុង ផ្លាកលេខ ភ្នំពេញ2AV -4683។អ្នកបើកបរត្រូវគេស្គាល់ឈ្មោះ ផា គឹមឡេង អាយុ១៧ឆ្នាំនៅភូមិដោះក្រមុំ ក្រុងសែនមនោរម្យខេត្តមណ្ឌលគិរី ។ទោះបីជាស្គាល់អត្តសញ្ញាណអ្នកបើកបររថយន្តក៏ដោយសមត្ថកិច្ចមិនទាន់ចាប់បាននៅឡើយ។
ចំណែកស្រ្តីដែលស្លាប់ឈ្មោះអ៊ី ដានី អាយុ២៦ឆ្នាំ លំនៅ ភូមិចម្ការតែ សង្កាត់ស្ពានមានជ័យ ក្រុងសែនមនោរម្យខេត្តមណ្ឌលគិរី ។បើកបរម៉ូតូម៉ាក់វ៉េវផ្លាកលេខមណ្ឌលគិរី1A-6385៕
