រថយន្តលេខខេមរៈភូមិន្ទ និងរ៉ឺម៉កម៉ូតូបុកគ្នារបួសធ្ងន់៣នាក់

ភ្នំពេញ៖រថយន្ដលេខខេមរភូមិន្ទមួយគ្រឿងបើកយ៉ាងលឿនបានបុកជាមួយរ៉ឺម៉កម៉ូតូដឹកបន្លែនៅត្រង់ស្ដុបបែកជាបួនបណ្តាលឱ្យមនុស្សក្មេងចាស់៣នាក់រងរបួសធ្ងន់។
មន្ត្រីនគរបាលបានឱ្យដឹងថា គ្រោះថ្នាក់ចរាចរណ៍នេះនៅតាមផ្លូវហាណូយក្នុងសង្កាត់ ភ្នំពេញថ្មី ខណ្ឌសែនសុខ កាលពីម៉ោងជាង៤ទៀបភ្លឺចូលថ្ងៃទី១៦ ខែមីនាឆ្នាំ២០២២។
មុនកើតហេតុរថយន្ដបង្កម៉ាក Ford ផ្លាកលេខ ខេមរភូមិន 2-2499 បានបើកយ៉ាងលឿន តាមផ្លូវ៩២ ត្រង់ស្ដុបបំបែកជាបួន។ពេលនោះមានរ៉ឺម៉កដឹកបន្លែជិះតាមផ្លូវហាណូយបានបុកគ្នាពេញមួយទំហឹង បណ្ដាលឱ្យខាងរ៉ឺម៉ក របួសធ្ងន់ទាំង៣នាក់ មានឪពុកម្តាយនិងកូនត្រូវបានបញ្ជូនទៅមន្ទីរពេទ្យសង្គ្រោះបន្ទាន់។
ក្រោយកើតហេតុនគរបាលចរាចរណ៍ខណ្ឌសែនសុខ ចុះវាស់វែងនិងយករថយន្ដជាមួយរ៉ឺម៉ក ទៅរក្សាទុក រង់ចាំភាគីសងខាងចូលខ្លួនដោះស្រាយនៅពេលក្រោយ៕