បាត់ដំបង៖កាលពីថ្ងៃទី៣១ខែធ្នូឆ្នាំ២០២២និងថ្ងៃទី០១ខែមករាឆ្នាំ២០២៣ អនុវត្តតាមយោបល់ដឹកនាំរបស់លោក ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោ បល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទ័ណ្ឌ និងលោក វរសេនីយ៍ទោ ភួង ចន្ទ័តារា ស្នងការរង ដឹកនាំការិយាល័យនគរបាលព្រហ្មទណ្ឌកម្រិតស្រាល និង ដោយមានការសម្របសម្រួលលេីនីតិវិធីពី ឯកឧត្ដម កែវ សុជាតិ ព្រះរាជអាជ្ញា នៃអយ្យការអមសាលាដំបូងខេត្តបាត់ដំបងផងនោះនៅចំណុចភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង លោកវរសេនីយ៍ឯក ឈឿង គឹមសុង នាយការរិយាល័យ នគរបាលព្រហ្មទណ្ឌកម្រិតស្រាល បានដឹកនាំកម្លាំងក្រុមអន្តរាគមន៍បង្ការបង្ក្រាប សហការជាមួយកម្លាំងអធិការដ្ឋាននគរបាលក្រុងបាត់ដំបងដែលដឹកនាំដោយលោកវរសេនីយ៍ឯក ពេជ្រ សារ៉ែន ជាអធិការចុះប្រតិបត្តិការ បង្ក្រាបករណី លួចមានស្ថានទម្ងន់ទោស ( គាស់ទ្វារផ្ទះលួចយកទ្រព្យសម្បត្តិ )អ្នកដទៃ០១ករណី និងបានធ្វេីការនាំខ្លួន ជនសង្ស័យ ០៣នាក់ មកកាន់ស្នងការដ្ឋានដេីម្បីធ្វេីការសាកសួរស្រាវជ្រាវ។
ជនសង័្សយទាំង០៣នាក់នោះគឺ៖
១-ឈ្មោះ មឿន ចាន់ថន ភេទប្រុស អាយុ ៣៤ ឆ្នាំ មានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង ។
២-ឈ្មោះ ភិន ថាវី ភេទប្រុសអាយុ ៣៦ ឆ្នាំមានទីលំនៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង។
៣-ឈ្មោះ តូច សុភាសិត ហៅ ពៅ ភេទប្រុស អាយុ ៣៨ ឆ្នាំមានទីលំ នៅ ភូមិទួលតាឯក សង្កាត់ទួល តា ឯក ក្រុងបាត់ដំបង ខេត្តបាត់ដំបង ។
*-វត្ថុតាងដកហូតរួមមាន៖
- ទ្វារឈេី ០៥ សន្លឹក
- ក្តារឈេី ចំនួន ០២ សន្លឹក
- ឈេី គ្រែប្រអប់ ចំនួន ០២ សន្លឹក
- សាច់ឈេី ០៤ដុំ
- ម៉ូតូចំនួន ០១ គ្រឿង ម៉ាកស៊ូស៊ូគីវីវ៉ា ពណ៌ ក្រហម ស៊េរីចាស់ ០១ គ្រឿង ( គ្មានស្លាកលេខ ) ។
សូមជម្រាបជូនថា កាលពីថ្ងៃទី៣០ ខែ ធ្នូ ឆ្នាំ ២០២២ វេលាម៉ោង ០០និង០២ នាទីនៅចំណុចភូមិដង្កោទាប សង្កាត់ទួលតាឯក ក្រុងបាត់ដំបង ខេត្តបាត់ដំបងជនសង័្សយ បានធ្វេីសកម្មភាព ផ្លោះរបងចូលគាស់ផ្ទះ លួចយកទ្រព្យសម្បត្តិរបស់ជនរងគ្រោះឈ្មោះ ឆេង គឹមលាង ភេទស្រី អាយុ ៤៥ ឆ្នាំ មានទីលំនៅភូមិកំពង់ក្របី សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ។
-សម្ភារៈបាត់បង់រួមមាន៖
- ទ្វារឈេី ចំនួន ០៥ សន្លឹក
- គ្រែ ឈេី ចំនួន ០១
- ឈេីធ្នង់ ចំនួន ០៨ ដុំ
- ទ្វារដែក ចំនួន ០៤
- ទ្រុងដែក ចំនួន ០១
- ជេីងម៉ាស៊ីនដេរ ចំនួន ០១
- គម្របម៉ាស៊ីន ត្រាក់ទ័រ ០១
នៅពេលដឹងថាបាត់ជនងគ្រោះបានដាក់ពាក្យបណ្តឹង ចូលមកសមត្ថកិច្ចនគរបាលហេីយឆ្លងតាមរយៈការស្រាវជ្រាវសមត្ថកិច្ចកំណត់មុខសញ្ញាបាន និងឈានដល់ការឃាត់ខ្លួននិងដកហូតវត្ថុតាងខាងលេីតែម្តង។
បច្ចុប្បន្នការិយាល័យជំនាញបានរៀបចំសំណុំរឿងដេីម្បីបញ្ជូនទៅសាលាដំបូងខេត្តបាត់ដំបងចាត់ការ បន្តតាមនីតិវិធី ច្បាប់ រីឯវត្ថុតាងជារបស់ជនរងគ្រោះបានប្រគល់ជូនម្ចាស់វិញ៕
