ភ្នំពេញ៖រថយន្តលុចស៊ីស GX470អ្នកបើបរឋិតក្នុងសភាពស្រវឹងស្រាបានបុកម៉ូតូរ៉ឺម៉កលក់ទំនិញបណ្តាលឱ្យបុរសជាកូនបានស្លាប់ភ្លាមម្ដាយរបួសធ្ងន់។
គ្រោះថ្នាក់ចរាចរណ៍នេះបានកើតឡើងនៅម្តុំខាងកើត រោងចក្រអេស អិលតាមផ្លូវ ៣៧១ក្នុងសង្កាត់ស្ទឹងមានជ័យទី២ ខណ្ឌមានជ័យកាលពីយប់ ថ្ងៃទី៣ ខែមីនា ឆ្នាំ២០២២ ។
សមត្ថកិច្ចបានឱ្យដឹងថា បុរសដែលស្លាប់ឈ្មោះ ធី ខែត អាយុ២៥ឆ្នាំ នៅមុខរោងចក្រ កាណាឌីយ៉ា ជាអ្នកបើកម៉ូតូសណ្តោងរ៉ឺម៉ក និងស្ត្រីរងរបួសធ្ងន់ឈ្មោះ ណាង អាយុជាង ៥០ឆ្នាំ។ម្តាយនិងកូនប្រុសអ្នក លក់ឆាក្តៅ ស្នាក់នៅ បន្ទប់ជួល ជិតកន្លែងកើតហេតុ។ ស្រុកកំណើត នៅភូមិក្តុលក្រោម ឃុំទ្រា ស្រុកក្រូចឆ្មារ ខេត្តត្បូងឃ្មុំ។
ចំណែកខាងរថយន្តបង្ក គេមិនទាន់បានស្គាល់ឈ្មោះនៅឡើយទេត្រូវបានឃាត់ខ្លួននិងរថយន្តលុចស៊ីស GX470ផ្លាកលេខ ភ្នំពេញ 2AD.9788 ៕
