ភ្នំពេញ៖កម្លាំងនគរបាលខណ្ឌសែនសុខបានចាប់ចោរបានម្នាក់និងម្នាក់ទៀតរត់រួចករណីលួចកាច់សោកម៉ូតូក្នុងភូមិចុងថ្នល់ខាងលិច សង្កាត់ទឹកថ្លាខណ្ឌសែនសុខនៅរសៀលថ្ងៃទី៣ ខែកញ្ញា ។
មន្ត្រីនគរបាលបានឱ្យដឹងថា ជនសង្ស័យឈ្មោះ ហឿន ម៉េងហូរ ភេទប្រុស អាយុ២២ឆ្នាំម្នាក់ទៀតដែលរត់គេចខ្លួនឈ្មោះម៉ៅ ។មុខរបរជាងឡាន ស្នាក់នៅកន្លែងជួសជុលឡាន ផ្លូវបេតុង សង្កាត់ទឹកក្អក់៣ ខណ្ឌទួលគោក ។ជននេះបានកាច់បំបែកសោលួចយកម៉ូតូ ។ម្ចាស់ម៉ូតូឈ្មោះ ស៊ុយ វុទ្ធី អាយុ៤១ឆ្នាំ ជាមន្ត្រីរាជការ ស្នាក់នៅ សង្កាត់ទឹកថ្លាខណ្ឌសែនសុខ ។
បាត់បង់ ម៉ូតូម៉ាកឌ្រីមពាក់ផ្លាកលេខ ភ្នំពេញ1GN-6934 របស់ជនរងគ្រោះ ។ សម្ភារបន្សល់ទុក ម៉ូតូ១គ្រឿងម៉ាក ប៊ីត ពណ៌ក្រហម ពាក់ផ្លាកលេខ ភ្នំពេញ 1GX-3609 របស់ជនល្មើស ។បច្ចុប្បន្ន ជននេះកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនីតិវិធី ៕
