ភ្នំពេញ៖សមត្ថកិច្ចមូលដ្ឋានកំពុងស្វែងរកសាច់ញាតិបុរសម្នាក់ដែលមកចងកសម្លាប់ខ្លួនលើដើមពោធិ៍ក្នុងសង្កាត់ស្រះចក ខណ្ឌដូនពេញនៅម៉ោង១០ព្រឹកថ្ងៃទី៦ ខែមករា។
ប្រជាពលរដ្ចបានប្រាប់ឱ្យដឹងថា មុនភា្ញក់ផ្អើលមានកម្មកសំណង់ម្នាក់ទៅបទជើងនៅក្នុងដីឡូត៍មួយកន្លែងស្រាប់តែឃើញបុរសម្នាក់ចងកនឹងដើមពោធិ៍ដោយមិនទាន់ស្គាល់អត្តសញ្ញាណ។បុរសនេះស្លៀកខោទាហានប៉ារ៉ាជើងវែងពាក់អាវពណ៌សដៃវែង សម្បុរសណ្ដែកបាយ កម្ពស់ប្រហែល១ម៉ែត្រ៦០ ពាក់ស្បែកជើងចម្ពាមពណ៌សចងកនឹងខ្សែរអង្រឹងពណ៌ត្រេអីហើយក៏បានរាយការណ៍ទៅសមត្ថកិច្ច។
ក្រោយមកកម្លាំងនគបាលបុស្តិ៍ស្រះចក បានចុះមកដល់កន្លែងកើតហេតុរួចធ្វើកោសល្យវិច័យហើយបានបញ្ជាក់ថា បុរសនោះពិតជាចងកសម្លាប់ខ្លួនមែន។ប៉ុន្តែមិនទាន់បានដឹងពីអត្តឃាតជនមានវិបត្តិយ៉ាងណារហូតដល់សម្លាប់ខ្លូននោះនៅឡើយទេ។បច្ចុប្បន្នសមត្ថកិច្ចកំពុងស្វែងរកសាច់ញាតិមកទទួលសពយកទៅធ្វើបុណ្យ៕
