បន្ទាយមានជ័យ៖បុរសម្នាក់ឃើញបង្គោលទល់ខ្សែភ្លើងរលំដួលក៏ទៅលើកឡើងវិញត្រូវចរន្តភ្លើងឆក់ស្លាប់នៅភូមិចក ក្រុងសិរីសោភ័ណ ខេត្តបន្ទាយមានជ័យកាលពីថ្ងៃទី១២ ខែកញ្ញា ឆ្នាំ២០២១។
មន្ត្រីនគរបាល បានឱ្យដឹងថា៖បុរសដែលស្លាប់ឈ្មោះឈុនចាក់ដេត ភេទប្រុស អាយុ៤៥ឆ្នាំ នៅភូមិឃុំខាងលើ។ ប្រពន្ធអ្នកស្លាប់ឈ្មោះ ហឹម ស៊ីថា អាយុ៣២ឆ្នាំ បានប្រាប់ថា ប្តីរបស់គាត់ បាន ទៅលើកបង្គោលសសរឈើទល់ខ្សែភ្លើង ដួលជាប់និងមាត់ទឹកហើយទាញខ្សែភ្លើងក៏ឆក់តែម្តង។ពេលនោះ អ្នកភូមិនាំគ្នាជួយ ដឹកទៅសង្រ្គោះនៅមន្ទីរពេទ្យបង្អែក ក្រុងសិរីសោភ័ណតែបានស្លាប់ទៅហើយ។សមត្ថកិច្ចពិនិត្យមើលខ្សែភ្លើងម្ខាង បានដាច់ជ័រដែលស្រោប ចេញខ្សែលួស២កន្លែង ។
នគរបាលជំនាញកោសល្យវិច្ច័យ,មេប៉ុស្ដិ៍,មេភូមិ,និងក្រុមគ្រួសារសពបានបញ្ជាក់ថា ជនរងគ្រោះស្លាប់ដោយសារឆក់ខ្សែភ្លើងពិតប្រាកដមែន៕
