ភ្នំពេញ:បុរសម្នាក់បានស្លាប់និងម្នាក់ទៀតរងរបួសធ្ងន់បន្ទាប់ពីជិះម៉ូតូឌុបគ្នាក្នុងល្បឿនលឿនជ្រុលទៅបុករថយន្តកំពុងបត់ចូលច្រកព្រលានយន្តហោះពោធិ៍ចិនតុងបណ្តាលឱ្យស្លាប់ម្នាក់រងរបួសធ្ងន់ម្នាក់។ហេតុការណ៍បានកើតឡើងនៅតាមបណ្ដោយផ្លូវសហព័ន្ធរុស្សីចំណុចស្តុបព្រលានយន្តហោះពោធិ៍ចិនតុងក្នុងភូមិក្បាលដំរី២សង្កាត់កាកាបទី២ខណ្ឌពោធិ៍សែនជ័យកាលពីយប់ថ្ងៃទី១៧ខែកក្ដដាឆ្នាំ២០២០។
សពរងគ្រោះមានឈ្មោះប៊ុនសម្បត្តិភេទប្រុសអាយុ២៧ឆ្នាំ។មានស្រុកកំណើតនៅភូមិសុក្រំឃុំអូសារាយ ស្រុកត្រាំកក់ ខេត្តតាកែវ។អ្នករងរបួសធ្ងន់មានឈ្មោះ ឆិប រដ្ឋា ភេទប្រុស អាយុ១៩ឆ្នាំជនជាតិខ្មែរ មុខរបរសិស្សរស់នៅភូមិឃុំជាមួយជនដែលស្លាប់។ក្រោយកើតហេតុសមត្ថកិច្ចមូលដ្ឋានសហការជាមួយជំនាញក្រុងវាស់វែងយករថយន្តនិងម៉ូតូយកទៅរក្សាទុកនៅការិយាល័យចរាចរណ៍ផ្លូវគោករង់ចាំដោះស្រាយគ្នាតាមផ្លូវច្បាប់៕
