ខេត្តកំពង់ឆ្នាំង:នៅទីបញ្ជាការដ្ឋានតំបន់ប្រតិបត្តិការសឹករងខេត្តកំពង់ឆ្នាំងកាលពីថ្ងៃទី១៣ខែវិច្ឆិកាឆ្នាំ២០២០បានរៀបចំពិធីបិទវគ្គហ្វឹកហ្វឺនពង្រឹងយោធាឆ្នាំ២០២០។ពិធីនេះក្រោមអធិបតីភាពលោកឧត្តមសេនីយ៍ឯកពូសាប៊ុតឌីមេបញ្ជាការរងកងទ័ពជើងគោកមេបញ្ជាការយោធភូមិភាគពិសេស។
ក្នុងនោះមានការចូលរួមពីប្រតិភូអមដំណើរថ្នាក់ដឹកនាំយោធភូមិភាគពិសេស,លោកមេបញ្ជាការតំបន់ប្រតិបត្តិការសឹករងកំពង់ឆ្នាំង។មន្ត្រីមកពីបណ្ដាអង្គភាពឈរជើងក្នុងខេត្តព្រមទាំងនាយទាហាន,នាយទាហានរងនិងសិក្ខាកាមតំបន់ប្រតិបត្តិការសឹករងកំពង់ឆ្នាំង ជាច្រើនរូប។
លោកឧត្តមសេនីយ៍ទោធនធឿនមេបញ្ជាការតំបន់ប្រតិបត្តិការសឹករងកំពង់ឆ្នាំងបានថ្លែងសង្ខេបជូនអង្គពិធីបានជ្រាប។ក្នុងនោះលោកវរសេនីយ៍ទោប៊ីរស្មីចន្នីនាយសេនាធិការរងបានរាយការណ៍អំពីលទ្ធផលការងារហ្វឹកហ្វឺនពង្រឹងយោធាឆ្នាំ២០២០ដែលបានដំណើរការហ្វឹកហ្វឺនរៀនសូត្រកន្លងមកទទួលបានលទ្ធផលល្អទាំងផ្នែកទ្រឹស្តី នឹងការអនុវត្តន៍ជាក់ស្តែងនៅលើទីលាន ។
លោកឧត្តមសេនីយ៍ឯកពូសាប៊ុតឌីមេបញ្ជាការរងកងទ័ពជើងគោកបានមានប្រសាសន៍កោតសរសើរដល់ថ្នាក់ដឹកនាំគ្រប់លំដាប់ថ្នាក់ក្នុងអង្គភាពតំបន់ប្រតិបត្តិការសឹករងកំពង់ឆ្នាំងនិងសិក្ខាកាមដែលបានប្រឹងប្រែងរៀនសូត្រកន្លងមក។រួមបានអនុវត្តន៍នូវរាល់បទបញ្ជាសារាចរណ៍សេចក្តីណែនាំនិងផែនការរបស់រាជរដ្ឋាភិបាលក្រសួងការពារជាតិ,អគ្គបញ្ជាការបញ្ជាការដ្ឋានកងទ័ពជើងគោក,យោធភូមិភាគពិសេសនិងគណៈបញ្ជាការឯកភាពរដ្ឋបាលខេត្ត៕សហការី
