ប្រជាពលរដ្ឋប្រទះឃើញអាវុធជាង១០ដើមនិងគ្រាប់មួយចំនួននៅចំណុចបឹងព្រែកព្នៅ

ភ្នំពេញ÷ថ្ងៃទី០៨ ខែវិច្ឆិកា ឆ្នាំ២០២០ ម៉ោង ១១:៣០នាទី មានប្រជាពលរដ្ឋប្រទះឃេីញអាវុធ និងគ្រាប់កាំភ្លេីង នៅចំណុចមាត់បឹង ភូមិឌួង សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។

👉 សម្ភារៈរួមមាន៖

១. អាវុធវែងម៉ាកការ៉ាប៊ីន ចំនួន ០១ដើម។

២. អាវុធវែង ម៉ាក M16 ចំនួន ០១ដើម។

៣. អាវុធខ្លីម៉ាក K៥៤ ចំនួន ០៣ដើម។

៤. អាវុធខ្លី ម៉ាក P08 ចំនួន ០២ដើម។

៥. បង់អាវុធ ម៉ាក K៥៤ ចំនួន ០៣បង់ មានគ្រាប់ចំនួន ១០៩គ្រាប់។

៦. បង់អាវុធ ម៉ាក M16 ចំនួន ០៣បង់ មានគ្រាប់ចំនួន ៦០គ្រាប់។

៧. បង់អាវុធ ម៉ាកការ៉ាប៊ីន ចំនួន ០២បង់ មានគ្រាប់ចំនួន ០៩គ្រាប់។

៨. ស្រោមអាវុធខ្លី ចំនួន ០១ដើម។

៩. កាំបិតខ្លី ចំនួន ០១ដើម។

១០. ស្ព្រាយព៌ណខ្មៅ ចំនួន ០១ដប។

១១. កេះដែលទំហំ (៣០ស.មx៦០ស.ម) ចំនួន ០១កេះ។

តាមការបំភ្លឺរបស់ឈ្មោះ សោម ភារម្យ ភេទប្រុស និងឈ្មោះ វី​ ពៅ​ ភេទប្រុស បានរៀបរាប់ថា: នៅថ្ងៃទី០៨ ខែវិច្ឆិកា ឆ្នាំ២០២០ ម៉ោងប្រហែល ១១:៣០នាទី ខ្លួនបានធ្វើដំណើរពីផ្ទះទៅរកបេះបន្លែនៅមាត់បឹង (កន្លែងកើតហេតុ) ស្រាប់តែខ្លួនបានប្រទះឃើញកេះដែកបិតមាត់ជិត។ ឃើញដូច្នោះខ្លួនក៏យកដៃទៅទាញបង្ហើបមើលឃើញអាវុធដូចមានរៀបរាប់ខាងលើ ក៏រាយការណ៍ជូនសមត្ថកិច្ចនគរបាលប៉ុស្តិ៍ព្រែកព្នៅ។

ក្រោយពីបានទទួលព័ត៌មានពីប្រជាពលរដ្ឋ កម្លាំងសមត្ថកិច្ចបានចុះធ្វើការស្រាជ្រាវដល់កន្លែងកើតហេតុ និងយកអាវុធដូចបានរៀបរាប់ខាងលើមករក្សាទុកនៅប៉ុស្តិ៍នគរបាលរដ្ឋបាលព្រែកព្នៅ​ដេីម្បី​ស្រាវជ្រាវ​បន្ត​ ។សហការី