អន្តរជាតិ៖យោងតាមទិន្នន័យចុងក្រោយប្រទេសឥណ្ឌាបានវ៉ាដាច់ប្រទេសរុស្ស៊ីដោយមានចំនួនអ្នកឆ្លងវីរុសកូរ៉ូណាខ្ពស់លំដាប់ទី៣នៅលើពិភពលោកគឺជិត៧០០.០០០នាក់។នេះបើយោងតាមទីភ្នាក់ងារសារពព័ត៌មាន Reutersបានផ្សាយនាថ្ងៃទី៦ខែកក្កដា ឆ្នាំ២០២០នេះ។
ទិន្នន័យរបស់ក្រសួងសុខាភិបាលនៅថ្ងៃច័ន្ទទី៦ខែកក្កដាបានបង្ហាញថាមានករណីថ្មីជាង២៣.០០០ករណីដែលត្រូវបានរាយការណ៍ក្នុងរយៈពេល២៤ម៉ោងគឺថយចុះបន្តិចបើធៀបនឹងការកើនឡើងកាលពីថ្ងៃអាទិត្យដែលមានចំនួនជិត២៥.០០០នាក់។មានមនុស្សស្លាប់ជិត២ម៉ឺននាក់នៅក្នុងប្រទេសឥណ្ឌាចាប់តាំងពីករណីដំបូងត្រូវបានរកឃើញនៅទីនោះកាលពីខែមករា ។
ឥឡូវនេះប្រទេសឥណ្ឌាគឺជាប្រទេសដែលទទួលរងផលប៉ះពាល់អាក្រក់បំផុតលំដាប់ទី៣នៅលើពិភពលោកបន្ទាប់ពីសហរដ្ឋអាមេរិកនិងប្រេស៊ីល។ករណីឆ្លងវីរុសកូរ៉ូណានៅឥណ្ឌានេះបានកើនឡើងចំនួន៨ដងនៃករណីនៅប្រទេសចិនដែលមានចំនួនប្រជាជនប្រហាក់ប្រហែលគ្នានិងជាកន្លែងដែលវីរុសនេះមានដើមកំណើត កាលពីចុងឆ្នាំមុន ។
ក្រុមមន្ត្រីបាននិយាយថាពួកគេបានសម្រេចចិត្តដើម្បីបើកឡើងវិញនូវតំបន់TajMahalដែលជាកន្លែងទាក់ទាញភ្ញៀវទេសចរដ៏ល្បីល្បាញបំផុតរបស់ប្រទេសឥណ្ឌានៅក្នុងទីក្រុងAgraចម្ងាយ២០០គីឡូម៉ែត្រ ភាគអាគ្នេយ៍នៃទីក្រុងញូវដែលី កាលពីថ្ងៃច័ន្ទ បន្ទាប់ពីមានករណីថ្មីៗនៅក្នុងតំបន់នេះ៕
