បន្ទាយមានជ័យ៖កម្លាំងនគរបាលស្រុកព្រះនេត្រព្រះ បានចាប់ជនម្នាក់ករណីខឹងប្អូនថ្លៃក៏ទាញកាំបិតខ្វាវមកកាប់ចំប្អូនស្រីបង្កើតបានស្លាប់តាមផ្លូវពេលបញ្ជូនទៅមន្ទីរពេទ្យ។ផ្សេងហេតុការណ៍នេះបានកើតឡើងនៅភូមិគោកធំ ឃុំបុស្បូវស្រុកព្រះនេត្រព្រះ ខេត្តបន្ទាយមានជ័យកាលពី ព្រឹកថ្ងៃទី១៩ខែកុម្ភ: ឆ្នាំ២០២១។លោកវរសេនីយ៍ឯកមាសប្ញទ្ធីអធិការនគរបាលស្រុកព្រះនេត្រព្រះ បានឱ្យដឹងថា៖ជនដៃដល់ឈ្មោះ យ៉ុន យ៉ាន ភេទប្រុស អាយុ៥១ឆ្នាំនៅភូមិឃុំកើតហេតុ។ ចំណែកជនរងគ្រោះឈ្មោះ យ៉ុន យ៉េន ភេទស្រី អាយុ៣០ឆ្នាំ ត្រូវជាប្អូនស្រីបង្កើត រស់នៅផ្ទះជាមួយគ្នា។ជនរងគ្រោះត្រូវជនសង្ស័យកាប់ ត្រូវក្បាល ។
- លោកអធិការបានបញ្ជាក់ថា៖ជនដៃដល់បានសារភាពថា ខ្លួនមានបំណងកាប់ទៅលើឈ្មោះ ជឿយ អេស អាយុ៤១ឆ្នាំជាប្អូនថ្លៃ(ប្តីជនរងគ្រោះ ) ដោយខឹងប្អូនថ្លៃរូបនេះ ដើរលេងច្រើននិងបំផ្លាញទ្រព្យសម្បតិ្ត តែពេលកាប់បែជាត្រូវប្អូនបង្កើតទៅវិញ៕
