ព្រះវិហារ៖នៅថ្ងៃទី២៥ដល់២៦ខែមិថុនាឆ្នាំ២០២០ក្រុមការងារកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុអាសស្ប៉ាយ(ASPIRE)បានរៀបចំសិក្ខាសាលាស្តីពីការគាំទ្របណ្តុំអាជីវកម្មលើការងារផលិតកម្មនិងទីផ្សារកសិផល។ពីធីនេះក្រោមវត្តមានលោកកឹមពង្សវីរៈអនុប្រធានមន្ទីរកសិកម្មរុក្ខាប្រមាញ់និងនេសាទខេត្ត។
គោលបំណងពង្រឹងបន្ថែមចំណេះដឹងនិងបច្ចេកទេសនៃការគាំទ្របណ្តុំអាជីវកម្មលើសកម្មភាពផលិតកម្មនិងទីផ្សារកសិផលរបស់មន្ត្រីកសិកម្មឲ្យកាន់តែមានភាពប្រសើរឡើង។ផ្សព្វផ្សាយគោលការណ៍និងសេចក្តីណែនាំរបស់ក្រសួងកសិកម្មរុក្ខាប្រមាញ់និងនេសាទស្តីពីនិតិវិធីនៃការអនុវត្តន៍ការងារទីផ្សារកសិកម្មនៅមូលដ្ឋានដើម្បីធានាការអនុវត្តមានប្រសិទ្ធភាព និង ទទួលបានផ្លែផ្កា។
បន្សីរបៀបអនុវត្តនិងគ្រប់គ្រងការងារផលិតកម្មនិងទីផ្សារកសិផលគាំទ្រដល់បណ្តុំអាជីវកម្មមានភាពស្របគ្នា និង ទៅតាមគោលការណ៏ និង សេចក្តីណែនាំរបស់កម្មវិធីអាសស្ប៉ាយ និង ក្រសួងកសិកម្ម រុក្ខាប្រមាញ់និងនេសាទ។គាំទ្រថវិកាដោយរាជរដ្ឋាភិបាលកម្ពុជានិងកម្មវិធីផ្សព្វផ្សាយបច្ចេកទេសកសិកម្មថ្មីដែលធន់ទៅនឹងការប្រែប្រួលអាកាសធាតុ(ASPIRE)៕
